മദർ ഓഫ് ദി നേഷൻ ഫെസ്റ്റിവലിന്റെ എട്ടാമത് പതിപ്പ് അബുദാബിയിലെ മൂന്ന് ഇടങ്ങളിൽ വെച്ച് സംഘടിപ്പിക്കുമെന്ന് അധികൃതർ വ്യക്തമാക്കി. 2024 നവംബർ 8-നാണ് അബുദാബി മീഡിയ ഓഫീസ് ഇക്കാര്യം അറിയിച്ചത്.
Organised by @dctabudhabi, the 8th @motnfestival will be held across #AbuDhabi emirate from 28 November to 31 December 2024, with more than 350 family-friendly experiences and activities themed around space exploration, fantasy, and adventure. pic.twitter.com/vq1XRvCpOW
— مكتب أبوظبي الإعلامي (@ADMediaOffice) November 8, 2024
മദർ ഓഫ് ദി നേഷൻ ഫെസ്റ്റിവലിന്റെ എട്ടാമത് പതിപ്പ് താഴെ പറയുന്ന രീതിയിലാണ് സംഘടിപ്പിക്കുന്നത്:
- അൽ ദഫ്‌റ മേഖലയിൽ – 2024 നവംബർ 28 മുതൽ ഡിസംബർ 2 വരെ. അൽ മുഗേയ്രാഹ് ബേ പ്രദേശത്ത്.
- അൽ ഐനിൽ – 2024 നവംബർ 28 മുതൽ ഡിസംബർ 2 വരെ.
- അബുദാബി കോർണിഷിൽ – 2024 ഡിസംബർ 6 മുതൽ ഡിസംബർ 31 വരെ.
അബുദാബി ഡിപ്പാർട്മെന്റ് ഓഫ് കൾച്ചർ ആൻഡ് ടൂറിസമാണ് (DCT) ഈ മേള സംഘടിപ്പിക്കുന്നത്. യു എ ഇയിലെ വലിയ സാംസ്‌കാരിക മേളകളിലൊന്നാണ് മദർ ഓഫ് ദി നേഷൻ ഫെസ്റ്റിവൽ.
ഷെയ്‌ഖ ഫാത്തിമ ബിൻത് മുബാറക്കിനോടുള്ള ആദരസൂചകമായാണ് മദർ ഓഫ് ദി നേഷൻ ഫെസ്റ്റിവൽ സംഘടിപ്പിക്കുന്നത്. കഴിഞ്ഞ വർഷത്തേക്കാൾ കൂടുതൽ കുടുംബ വിനോദങ്ങൾ, തത്സമയ പ്രകടനങ്ങൾ, കലാ അനുഭവങ്ങൾ, ആഗോള പാചകരീതികൾ, റീട്ടെയിൽ പോപ്പ്-അപ്പുകൾ എന്നിവ ഇത്തവണത്തെ മേളയിൽ ഉൾപ്പെടുത്തുന്നതാണ്.
Cover Image: Abu Dhabi Media Office.
