ബഹ്‌റൈൻ പ്രധാനമന്ത്രി പ്രിൻസ് ഖലീഫ ബിൻ സൽമാൻ അൽ ഖലീഫ അന്തരിച്ചതായി ബഹ്‌റൈൻ ന്യൂസ് ഏജൻസി (BNA) അറിയിച്ചു. 84 വയസ്സായിരുന്നു. നവംബർ 11, ബുധനാഴ്ച്ചയാണ് BNA ഇക്കാര്യം റിപ്പോർട്ട് ചെയ്തത്.
അമേരിക്കയിലെ മയോ ക്ലിനിക്കിൽ ചികിത്സയിലിരിക്കെ ഇന്ന് (നവംബർ 11) രാവിലെയായിരുന്നു അന്ത്യം. ഇദ്ദേഹത്തിന്റെ ഭൗതികശരീരം ബഹ്‌റൈനിൽ എത്തിച്ച ശേഷം ഖബറടക്കം നടത്തുന്നതാണ്. വളരെ അടുത്ത ബന്ധുക്കൾ മാത്രമായിരിക്കും ചടങ്ങുകളിൽ പങ്കെടുക്കുക.
പ്രിൻസ് ഖലീഫ ബിൻ സൽമാൻ അൽ ഖലീഫയോടുള്ള ബഹുമാന സൂചകമായി ബഹ്‌റൈനിൽ ഒരാഴ്ച്ചത്തെ ഔദ്യോഗിക ദുഃഖാചരണം പ്രഖ്യാപിച്ചു. മന്ത്രാലയങ്ങൾ, സർക്കാർ വകുപ്പുകൾ എന്നിവയ്ക്ക് നവംബർ 12, വ്യാഴാഴ്ച്ച മുതൽ 3 ദിവസത്തെ അവധി പ്രഖ്യാപിച്ചിട്ടുണ്ട്.
