എമിറേറ്റിന് പുതിയ രണ്ട് ഡെപ്യൂട്ടി ഭരണാധികാരികളെ നിയമിച്ച് കൊണ്ട് ദുബായ് ഭരണാധികാരി H.H. ഷെയ്ഖ് മുഹമ്മദ് ബിൻ റാഷിദ് അൽ മക്തൂം ഒരു ഉത്തരവ് പുറത്തിറക്കി. 2023 ഏപ്രിൽ 28-നാണ് ദുബായ് ഭരണാധികാരി ഇത് സംബന്ധിച്ച ഔദ്യോഗിക ഉത്തരവ് പുറത്തിറക്കിയത്.
‘2023/ 21’ എന്ന ഈ ഉത്തരവ് പ്രകാരം ദുബായിയുടെ ഒന്നാം ഉപഭരണാധികാരിയായി H.H. ഷെയ്ഖ് മക്തൂം ബിൻ മുഹമ്മദ് ബിൻ റാഷിദ് അൽ മക്തൂമിനെ നിയമിച്ചിട്ടുണ്ട്.
ദുബായിയുടെ രണ്ടാം ഉപഭരണാധികാരിയായി H.H. ഷെയ്ഖ് അഹ്‌മദ്‌ ബിൻ മുഹമ്മദ് ബിൻ റാഷിദ് അൽ മക്തൂമിനെ നിയമിച്ചിട്ടുണ്ട്.
‘2023/ 21’ എന്ന ഈ ഉത്തരവ് നിലവിൽ വന്നതായും, ഇത് ഔദ്യോഗിക ഗസറ്റിൽ പ്രസിദ്ധീകരിക്കുമെന്നും അധികൃതർ വ്യക്തമാക്കിയിട്ടുണ്ട്.
