അമ്പത്തിമൂന്നാമത് ദേശീയ ദിനാഘോഷങ്ങളുടെ ഭാഗമായി എമിറേറ്റിലെ ട്രാഫിക് പിഴ തുകകളിൽ അമ്പത് ശതമാനം ഇളവ് അനുവദിച്ചതായി ഉം അൽ കുവൈൻ പോലീസ് ജനറൽ കമാൻഡ് വ്യക്തമാക്കി. 2024 നവംബർ 28-നാണ് ഉം അൽ കുവൈൻ പോലീസ് ഇക്കാര്യം അറിയിച്ചത്.
أعلنت شرطة أم القيوين عن قرار تخفيض المخالفات المرورية بنسبة 50٪ ابتداء من 1 ديسمبر 2024 حتى 5 يناير 2025.
— شرطة أم القيوين (@uaqpoliceghq) November 28, 2024
على جميع المخالفات المرورية المرتكبة في إمارة أم القيوين قبل تاريخ 01/12/2024 مع إلغاء حجز المركبات والنقاط المرورية المسجلة باستثناء المخالفات المشددة.@moiuae@news_uaq pic.twitter.com/LLpfChfEa8
2024 ഡിസംബർ 1 വരെയുള്ള ട്രാഫിക് പിഴകൾക്കാണ് ഉം അൽ കുവൈനിൽ അമ്പത് ശതമാനം ഇളവ് പ്രഖ്യാപിച്ചിരിക്കുന്നത്. വാഹന ഉടമകൾക്ക് 2024 ഡിസംബർ 1 മുതൽ 2025 ജനുവരി 5 വരെയുള്ള കാലയളവിൽ ഈ ഇളവിന്റെ ആനുകൂല്യം ലഭിക്കുന്നതാണ്.
ഈ കാലയളവിൽ ഇത്തരം പിഴതുകകൾ 50 ശതമാനം കുറയ്ക്കുന്നതിനൊപ്പം, ഇവയുമായി ബന്ധപ്പെട്ട ട്രാഫിക് പോയിന്റുകൾ, വാഹനങ്ങൾ പിടിച്ചെടുക്കുന്ന നടപടികൾ എന്നിവ ഒഴിവാക്കാനും ഉം അൽ കുവൈൻ പോലീസ് തീരുമാനിച്ചിട്ടുണ്ട്. ഗുരുതര നിയമലംഘനങ്ങൾ ഒഴികെയുള്ള ട്രാഫിക് ലംഘനങ്ങൾക്ക് മാത്രമാണ് ഈ ഇളവ് ബാധകമാകുന്നത്.
