വരും മാസങ്ങളിൽ ഡ്രൈവറില്ലാത്ത കൂടുതൽ ടാക്സി വാഹനങ്ങൾ പരീക്ഷണാടിസ്ഥാനത്തിൽ അവതരിപ്പിക്കുന്നതിനുളള കരാറിൽ ദുബായ് റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) ഒപ്പ് വെച്ചു. 2025 ഏപ്രിൽ 20-നാണ് RTA ഇത് സംബന്ധിച്ച അറിയിപ്പ് നൽകിയത്.
التنقل ذاتي القيادة أصبح أمراً واقعاً!
— RTA (@rta_dubai) April 20, 2025
وقعت هيئة الطرق والمواصلات مذكرة تفاهم مع شركة (بايدو أبولو جو)، التي تعد احدى الشركات الرائدة في العالم في توفير حلول التنقل ذاتي القيادة، لتشغيل مركبات أجرة ذاتية القيادة على نطاق واسع في الإمارة، حيث ستقوم الشركة بالتشغيل التجريبي لـ 50… pic.twitter.com/rKxdhIWeYU
ഇതിനായി ചൈനയിൽ നിന്നുള്ള ബൈഡു എന്ന കമ്പനിയുടെ ഓട്ടോണോമസ് റൈഡ്-ഹെയ്‌ലിംഗ് സേവനമായ അപ്പോളോ ഗോയുമായാണ് RTA കരാറിൽ ഏർപ്പെട്ടിരിക്കുന്നത്.
ഈ കരാറിന്റെ അടിസ്ഥാനത്തിൽ ആദ്യ ഘട്ടത്തിൽ 50 ഡ്രൈവറില്ലാത്ത ടാക്സി വാഹനങ്ങൾ പരീക്ഷണാടിസ്ഥാനത്തിൽ അവതരിപ്പിക്കുന്നതാണ്.
ഈ സേവനങ്ങൾ 2026-ൽ ഔദ്യോഗികമായി നടപ്പിലാക്കുമെന്നാണ് പ്രതീക്ഷിക്കുന്നത്. ഈ കരാർ പ്രകാരം അപ്പോളോ ഗോ അവരുടെ ഏറ്റവും നൂതനമായ RT6 ഓട്ടോണോമസ് ടാക്സി വാഹനങ്ങളാണ് എമിറേറ്റിൽ ഉപയോഗിക്കുക.
ഡ്രൈവർ ഇല്ലാതെ സ്വയം സഞ്ചരിക്കുന്ന കൂടുതൽ ടാക്സികൾ അടുത്ത വർഷത്തോടെ എമിറേറ്റിൽ അവതരിപ്പിക്കുമെന്ന് RTA നേരത്തെ വ്യക്തമാക്കിയിരുന്നു.
Cover Image: Dubai Media Office.
