എണ്ണായിരം സ്ക്വയർ കിലോമീറ്ററിലധികം സമുദ്ര ആവാസവ്യവസ്ഥ പരിശോധിച്ച് തിട്ടപ്പെടുത്തുന്ന ഏരിയൽ സർവേ നടപടികൾ പൂർത്തിയാക്കിയതായി അബുദാബി അധികൃതർ അറിയിച്ചു. അബുദാബി എൻവിറോണ്മെന്റ് ഏജൻസിയുടെ (EAD) നേതൃത്വത്തിലാണ് ഈ ഏരിയൽ സർവേ നടപടികൾ പൂർത്തിയാക്കിയത്.
.@EADTweets has completed its latest aerial survey covering more than 8,000km2 of marine areas. The survey focused on estimating animal populations, distribution, with the aim of safeguarding marine species. pic.twitter.com/pMHEPRrqFT
— مكتب أبوظبي الإعلامي (@ADMediaOffice) June 20, 2025
അബുദാബി മീഡിയ ഓഫീസാണ് ഇക്കാര്യം അറിയിച്ചത്. എമിറേറ്റിലെ സമുദ്ര ആവാസവ്യവസ്ഥയുടെയും, സമുദ്രജീവികളുടെയും സംരക്ഷണം ഉറപ്പാക്കുന്നതിനായാണ് EAD ഈ സർവേ നടത്തിയത്.
സമുദ്രജീവികളുമായി ബന്ധപ്പെട്ട് കൃത്യമായ സർവേകളിലൂടെ ചിട്ടയോടുകൂടിയ നിരീക്ഷണ നടപടികൾ കൈക്കൊള്ളുന്ന പശ്ചിമേഷ്യൻ പ്രദേശങ്ങളിലെ ഏക പരിസ്ഥിതി സംരക്ഷണ ഏജൻസിയാണ് EAD. 2004 മുതൽ EAD സമഗ്രമായ ഇത്തരം ഏരിയൽ സർവേ നടത്തിവരുന്നുണ്ട്.
ഈ സർവേകളുടെ ഭാഗമായി മേഖലയിലെ കടൽപ്പശുക്കളുടെ എണ്ണത്തിൽ 20 ശതമാനത്തോളവും, കടലാമകളുടെ എണ്ണത്തിൽ 30 ശതമാനത്തോളവും വളർച്ച ഉണ്ടായതായി രേഖപ്പെടുത്തിയിട്ടുണ്ട്. ആറ് ഗവേഷകരടങ്ങിയ ഒരു സംഘം 1,630 കിലോമീറ്റർ ദൂരം സഞ്ചരിച്ചാണ് ഈ ഏരിയൽ സർവേ പൂർത്തിയാക്കിയിരിക്കുന്നത്.
Cover Image: Abu Dhabi Media Office.
