അൽ അൻസാബ് സ്ട്രീറ്റിൽ 2025 ഓഗസ്റ്റ് 25 മുതൽ താത്കാലിക ഗതാഗത പരിഷ്കരണം നടപ്പിലാക്കിയതായി മസ്കറ്റ് മുനിസിപ്പാലിറ്റി അറിയിച്ചു. റോയൽ ഒമാൻ പോലീസുമായി ചേർന്നാണ് മുനിസിപ്പാലിറ്റി ഈ നിയന്ത്രണം നടപ്പിലാക്കുന്നത്.
ابتداءً من مساء الإثنين 25 أغسطس 2025، #بلدية_مسقط وبالتعاون مع شرطة عمان السلطانية ستقوم بفتح الإشارات الضوئية المؤقتة على شارع الأنصب، يليها غلق جزئي للحركة المرورية كمرحلة ثانية، وذلك ضمن أعمال مشروع ازدواجية طريق الأنصب-الجفنين.
— بلدية مسقط (@M_Municipality) August 24, 2025
عليه ترجو البلدية اتباع الإرشادات المرورية. pic.twitter.com/AZ3UhY3JmH
ഓഗസ്റ്റ് 25, തിങ്കളാഴ്ച വൈകീട്ട് മുതലാണ് ഈ ട്രാഫിക് പരിഷ്കരണം നടപ്പിലാക്കുന്നത്. നിലവിൽ നടന്ന് കൊണ്ടിരിക്കുന്ന അൽ അൻസാബ് – അൽ ജിഫ്നൈൻ ഡ്യുവൽ കാരിയേജ് വേ പദ്ധതിയുമായി ബന്ധപ്പെട്ടാണ് ഈ തീരുമാനം.
രണ്ട് ഘട്ടങ്ങളിലായാണ് ഈ ട്രാഫിക് പരിഷ്കരണം നടപ്പിലാക്കുന്നത്. ആദ്യ ഘട്ടത്തിൽ അൽ അൻസാബ് സ്ട്രീറ്റിൽ താത്കാലികമായി ട്രാഫിക് ലൈറ്റുകൾ പ്രവർത്തനക്ഷമമാക്കുന്നതാണ്.
രണ്ടാം ഘട്ടത്തിൽ നിർമ്മാണ പ്രവർത്തനങ്ങൾക്കായി അൽ അൻസാബ് റൌണ്ട്എബൗട്ട് ഭാഗികമായി അടയ്ക്കുമെന്നും മുനിസിപ്പാലിറ്റി അറിയിച്ചിട്ടുണ്ട്.
