മുഴുവൻ ട്രാഫിക്-ലൈറ്റ് റഡാറുകളും പ്രവർത്തനക്ഷമമാക്കിയെന്ന രീതിയിൽ സാമൂഹിക മാധ്യമങ്ങളിലും മറ്റും പ്രചരിക്കുന്ന വാർത്തകൾ തെറ്റാണെന്ന് റോയൽ ഒമാൻ പോലീസ് അറിയിച്ചു. 2026 സെപ്റ്റംബർ 10-നാണ് റോയൽ ഒമാൻ പോലീസ് ഇത് സംബന്ധിച്ച അറിയിപ്പ് നൽകിയത്.
تابعت شرطة عمان السلطانية المنشور المتداول عبر وسائل التواصل الاجتماعي حول تفعيل نظام الضبط المروري الجديد، وتؤكد إلى أن هذا المنشور لم يصدر عنها. وتوضح أن النظام لا يزال في مرحلة التجربة حتى استكمال الأعمال المرتبطة بتفعيله، والذي يهدف إلى الالتزام بقواعد السلامة المرورية والحد… pic.twitter.com/uIoku0qx6X
— شرطة عُمان السلطانية (@RoyalOmanPolice) September 10, 2026
പുതിയ ഗതാഗത നിയന്ത്രണ സംവിധാനം ഇപ്പോഴും പരീക്ഷണ ഘട്ടത്തിലാണെന്നും, ഇത് പൂർണ്ണമായും നടപ്പിലാക്കുന്നതുമായി ബന്ധപ്പെട്ട പ്രവർത്തികൾ ഇപ്പോഴും നടന്ന് വരുന്നതായും പോലീസ് കൂട്ടിച്ചേർത്തു.
സെപ്റ്റംബർ 10 മുതൽ എല്ലാ ട്രാഫിക്-ലൈറ്റ് റഡാറുകളിലും പുതിയ ഗതാഗത നിയന്ത്രണ സംവിധാനം സജീവമാക്കിയതായി അവകാശപ്പെടുന്ന പോസ്റ്റുകൾ സാമൂഹിക മാധ്യമങ്ങളിൽ പ്രചരിച്ചിരുന്നു. ഇതിന്റെ ആധികാരികതയാണ് റോയൽ ഒമാൻ പോലീസ് ഈ അറിയിപ്പിലൂടെ നിഷേധിച്ചത്.
സാമൂഹിക മാധ്യമങ്ങളിൽ പ്രചരിക്കുന്ന പോസ്റ്റിലെ വിവരങ്ങൾ പോലീസ് നൽകിയതല്ലെന്നും റോയൽ ഒമാൻ പോലീസ് പ്രസ്താവനയിൽ അറിയിച്ചിട്ടുണ്ട്.
