അബുദാബി ബാജ ചാലഞ്ച് മൂന്നാം സീസണിന്റെ തീയതികൾ സംബന്ധിച്ച് അബുദാബി സ്പോർട്സ് കൗൺസിൽ പ്രഖ്യാപനം നടത്തി. 2025 സെപ്റ്റംബർ 17-ന് അബുദാബി മീഡിയ ഓഫീസാണ് ഇക്കാര്യം അറിയിച്ചത്.
.@AbuDhabiSC, in partnership with Emirates Motorsports Organization, has announced the schedule for the 3rd Abu Dhabi Baja Challenge. Running from 25 October 2025 to 4 April 2026, the event will feature races that nurture and empower young motorsport talent. pic.twitter.com/wojqS7eVbS
— مكتب أبوظبي الإعلامي (@ADMediaOffice) September 17, 2025
ഈ അറിയിപ്പ് പ്രകാരം നാല് ഘട്ടങ്ങളിലായാണ് അബുദാബി ബാജ ചാലഞ്ച് മൂന്നാം സീസൺ നടത്തുന്നത്. 2025 ഒക്ടോബർ 25 മുതൽ 2026 ഏപ്രിൽ 4 വരെയാണിത്.
എമിറേറ്റ്സ് മോട്ടോർസ്പോർട്സ് ഓർഗനൈസേഷനുമായി (EMSO) ചേർന്ന് സംയുക്തമായാണ് അബുദാബി സ്പോർട്സ് കൗൺസിൽ ഈ റേസ് സംഘടിപ്പിക്കുന്നത്. അബുദാബിയിൽ വെച്ചാണ് ഈ നാല് റൗണ്ട് റേസുകളും നടത്തുന്നത്.
താഴെ പറയുന്ന തീയതികളിലാണ് അബുദാബി ബാജ ചാലഞ്ച് മൂന്നാം സീസൺ സംഘടിപ്പിക്കുന്നത്:
- റൌണ്ട് 1 – 2025 ഒക്ടോബർ 25-ന് അൽ ഐനിലെ സ്വെയിഹാൻ ഡ്യൂൺസിൽ വെച്ച്.
- റൌണ്ട് 2 – 2025 ഡിസംബർ 13-ന് അൽ ദഫ്റയിൽ വെച്ച്.
- റൌണ്ട് 3 – 2026 ജനുവരി 24-ന് അൽ ഐനിൽ വെച്ച്.
- റൌണ്ട് 4 – 2026 ഏപ്രിൽ 4-ന് അൽ ഐനിൽ വെച്ച്.
Cover Image: Abu Dhabi Media Office.
