ഡ്രൈവറില്ലാതെ പ്രവർത്തിക്കുന്ന ടാക്സികളുടെ സേവനം അൽ റീം, അൽ മരിയാ ഐലൻഡുകളിലേക്ക് കൂടി വ്യാപിപ്പിക്കാൻ തീരുമാനിച്ചതായി അബുദാബി മൊബിലിറ്റി അറിയിച്ചു. 2025 ജൂലൈ 29-നാണ് അബുദാബി മീഡിയ ഓഫീസ് ഇക്കാര്യം അറിയിച്ചത്.
As part of the Smart and Autonomous Systems Council’s (SASC) strategy, @ad_mobility, an affiliate of @abudhabidmt, has expanded autonomous taxi services to Al Reem and Al Maryah Islands, in collaboration with @WeRide_ai, @uber, and @tawasult. pic.twitter.com/xabimmxVVX
— مكتب أبوظبي الإعلامي (@ADMediaOffice) July 29, 2025
സ്വയം പ്രവർത്തിക്കുന്ന ഡ്രൈവറില്ലാത്ത വാഹന സാങ്കേതികവിദ്യകളിൽ ആഗോളതലത്തിൽ മുൻപന്തിയിൽ നിൽക്കുന്ന വിറൈഡ് എന്ന കമ്പനിയുമായി ചേർന്നാണ് അബുദാബി മൊബിലിറ്റി ഈ സേവനങ്ങൾ നൽകുന്നത്. യൂബർ, തവസ്സുൽ ട്രാൻസ്പോർട് എന്നിവരുമായി സഹകരിച്ചാണ് ഈ പദ്ധതി പ്രാദേശികമായി നടപ്പിലാക്കുന്നത്.
അബുദാബി സ്മാർട്ട് ട്രാൻസ്പോർട് നയത്തിന്റെ ഭാഗമായാണ് ഈ നടപടി. ഇതോടെ അബുദാബിയിലെ അമ്പത് ശതമാനത്തോളം പ്രധാന മേഖലകളിൽ ഇത്തരം ടാക്സി സേവനം ലഭ്യമാക്കിയതായി അധികൃതർ ചൂണ്ടിക്കാട്ടിയിട്ടുണ്ട്.
20240-ഓടെ എമിറേറ്റിലെ 25% ട്രിപ്പുകളും ഇത്തരം സ്മാർട്ട് ട്രാൻസ്പോർട് സംവിധാനങ്ങളിലൂടെയാക്കുന്നതിനുള്ള നയത്തിനോട് ചേർന്ന് നിൽക്കുന്നതാണ് ഈ തീരുമാനം. അൽ സാദിയത്, യാസ് ഐലൻഡ് എന്നിവിടങ്ങളിലും, സായിദ് ഇന്റർനാഷണൽ എയർപോർട്ടിലേക്കുള്ള റൂട്ടുകളിലും നിലവിൽ ഇത്തരം ഡ്രൈവറില്ലാ ടാക്സികളുടെ സേവനം ലഭ്യമാക്കിയിട്ടുണ്ട്.
Cover Image: Abu Dhabi Media Office.
