മൂന്നാമത് അൽ ഉല സ്‌കൈസ്‌ ഫെസ്റ്റിവൽ 2024 ഒക്ടോബർ 5-ന് സമാപിച്ചു. സൗദി പ്രസ്സ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
അൽ ഉലയിലെ മരുഭൂ പ്രദേശത്ത് അരങ്ങേറുന്ന ഈ ആകാശോത്സവത്തിന്റെ മൂന്നാമത് പതിപ്പ് 2024 സെപ്റ്റംബർ 26-നാണ് ആരംഭിച്ചത്.
അൽ ഉലയുടെ ഗാംഭീര്യം ഒരു പുത്തൻ കാഴ്ചപ്പാടിലൂടെ ആസ്വദിക്കുന്നതിന് അവസരമൊരുക്കുന്ന ഈ മേളയുടെ ഭാഗമായി ഇത്തവണ നിരവധി പരിപാടികൾ അരങ്ങേറി.
സാഹസികത, പര്യവേക്ഷണം എന്നീ മേഖലകളെ സമന്വയിപ്പിച്ചാണ് ഇത്തവണത്തെ അൽ ഉല സ്‌കൈസ്‌ ഫെസ്റ്റിവൽ ഒരുക്കിയിരുന്നത്. സന്ദർശകർക്കായി ഹോട്ട് എയർ ബലൂൺ റൈഡുകൾ, വാനനിരീക്ഷണം, ഹൈക്കിങ് എന്നിവ ഉൾപ്പടെയുള്ള പ്രവർത്തനങ്ങൾ ഇത്തവണ ഒരുക്കിയിരുന്നു.
Cover Image: Saudi Press Agency.
