സൗദി അറേബ്യയിലെ കിംഗ് ഖാലിദ് റോയൽ റിസർവ് മേഖലയിലെ പുരാവസ്തു സർവേ നടപടികൾ ഇമാം അബ്ദുൽഅസീസ് ബിൻ മുഹമ്മദ് റോയൽ റിസേർവ് ഡവലപ്മെന്റ് അതോറിറ്റിയുടെ നേതൃത്വത്തിൽ ആരംഭിച്ചു. സൗദി പ്രസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
![](http://pravasidaily.com/wp-content/uploads/2023/01/saudi-archaeological-survey-jan-12-2023b.jpg)
ഈ മേഖലയിലെ സാംസ്കാരികപരവും, ചരിത്രപരവുമായ പ്രാധാന്യമുള്ള പ്രദേശങ്ങൾ സംരക്ഷിക്കുന്നതിനും, അവയുടെ പുനരധിവാസം സാധ്യമാക്കുന്നതും ലക്ഷ്യമിട്ടാണ് ഈ നടപടി. ഒരു മാസത്തെ കാലയളവിലാണ് ഈ പദ്ധതി നടപ്പിലാക്കുന്നത്.
ഹെറിറ്റേജ് കമ്മിഷനുമായി സഹകരിച്ചാണ് ഈ പദ്ധതി നടപ്പിലാക്കുന്നത്. ഈ മേഖലയിൽ ഗവേഷണം നടത്തുന്നതിനും, ഇവിടെ നിന്ന് ലഭിക്കുന്ന പുരാവസ്തുക്കൾ, പൈതൃകസംബന്ധിയായ വിവരങ്ങൾ എന്നിവ രേഖപ്പെടുത്തുന്നതിനും, ഈ മേഖലയിൽ ആർക്കിയോളജിക്കൽ സർവേ നടത്തുന്നതിനുമായി ശാസ്ത്രവിദഗ്ദ്ധരുടെ ഒരു സംഘത്തെ രൂപീകരിച്ചിട്ടുണ്ട്.
![](http://pravasidaily.com/wp-content/uploads/2023/01/saudi-archaeological-survey-jan-12-2023c.jpg)
കിംഗ് ഖാലിദ് റോയൽ റിസർവ് ചരിത്രപ്രാധാന്യമുള്ള ഒരു മേഖലയാണെന്നും, ഇവിടെ പാറയിൽ കൊത്തിയിട്ടുള്ള കലാരൂപങ്ങൾ, കല്ല് കൊണ്ടുള്ള നിർമ്മിതികൾ, പ്രാചീന കൊട്ടാരങ്ങൾ എന്നിവ ഉൾപ്പടെയുള്ള നിരവധി പുരാവസ്തു അവശേഷിപ്പുകളുണ്ടെന്നും അതോറിറ്റി ചൂണ്ടിക്കാട്ടി.
Cover Image: Saudi Press Agency.