രാജ്യത്തെ വിവിധ ഗവർണറേറ്റുകളിൽ 1171 പരിശോധനകൾ നടത്തിയതായി ബഹ്റൈൻ ലേബർ മാർക്കറ്റ് റെഗുലേറ്ററി അതോറിറ്റി (LMRA) അറിയിച്ചു. 2026 ജനുവരി 26-നാണ് ബഹ്റൈൻ ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
LMRA conducts 1,171 inspection campaigns, visitshttps://t.co/GiC8UHyBJE
— Bahrain News Agency (@bna_en) January 26, 2026
നിയമങ്ങൾ ലംഘിച്ച് കൊണ്ട് ബഹ്റൈനിൽ തുടരുന്ന പ്രവാസികളെ കണ്ടെത്തുന്നതിനായും, തൊഴിൽ മേഖലയിലെ ക്രമക്കേടുകൾ കണ്ടെത്തുന്നതിനായും 2026 ജനുവരി 18 മുതൽ ജനുവരി 24 വരെയുള്ള കാലയളവിൽ 1171 പരിശോധനകളാണ് LMRA നടത്തിയത്.
ഇത്തരം നിയമലംഘനങ്ങളുമായി ബന്ധപ്പെട്ട് 14 പ്രവാസി തൊഴിലാളികളെ അറസ്റ്റ് ചെയ്തതായി LMRA അറിയിച്ചു. ഈ കാലയളവിൽ 88 പ്രവാസികളെ നാട് കടത്തിയതായും LMRA കൂട്ടിച്ചേർത്തു.
