2025 ഫെബ്രുവരി 9, ഞായറാഴ്ച വരെ രാജ്യത്തിന്റെ വിവിധ പ്രദേശങ്ങളിൽ ഒറ്റപ്പെട്ട മഴയ്ക്ക് സാധ്യതയുണ്ടെന്ന് ഒമാൻ ദേശീയ കാലാവസ്ഥാ കേന്ദ്രം അറിയിച്ചു. 2025 ഫെബ്രുവരി 6-നാണ് ഒമാൻ ദേശീയ കാലാവസ്ഥാ കേന്ദ്രം ഇത് സംബന്ധിച്ച അറിയിപ്പ് നൽകിയത്.
تشـير آخر خرائط الطقس والتنبـؤات العـددية إلى تأثـر أجـواء سلـطنة عمان بأخدود من منخفض جوي بدءا من يوم الجمعة الموافق 7 فبراير وحتى يوم الأحد 9 فبراير pic.twitter.com/TMYAYLQRZN
— الأرصاد العمانية (@OmanMeteorology) February 6, 2025
ഈ അറിയിപ്പ് പ്രകാരം 2025 ഫെബ്രുവരി 7, വെള്ളിയാഴ്ച മുതൽ ഫെബ്രുവരി 9, ഞായറാഴ്ച വരെ ഒമാനിൽ ഒരു ന്യൂനമർദ്ധത്തിന്റെ പ്രഭാവം അനുഭവപ്പെടുന്നതിന് സാധ്യതയുണ്ട്. ഇത് മൂലം ഈ ദിനങ്ങളിൽ ഒമാനിലെ വിവിധ പ്രദേശങ്ങളിൽ ഒറ്റപ്പെട്ട മഴയ്ക്ക് സാധ്യതയുണ്ട്.
മുസന്ദം ഗവർണറേറ്റിലും ഒമാൻ കടലിന്റെ തീരപ്രദേശങ്ങളിലും ഈ ദിനങ്ങളിൽ ചെറിയ മഴയ്ക്ക് സാധ്യതയുണ്ട്. ഹജാർ മലനിരകളിലും ഒറ്റപ്പെട്ട മഴയ്ക്ക് സാധ്യതയുണ്ട്.
ഇതോടൊപ്പം കാറ്റ് അനുഭവപ്പെടുന്നതിനും, അന്തരീക്ഷ താപനില താഴുന്നതിനും, കടൽ പ്രക്ഷുബ്ധമാകുന്നതിനും സാധ്യതയുണ്ട്.
