ദുബായ്: ഏതാനം COVID-19 PCR പരിശോധനാ കേന്ദ്രങ്ങൾ നിർത്തലാക്കാൻ തീരുമാനിച്ചതായി DHA

എമിറേറ്റിലെ ഏതാനം COVID-19 ടെസ്റ്റിംഗ് കേന്ദ്രങ്ങളിൽ നിന്നുള്ള PCR പരിശോധനാ സേവനങ്ങൾ നിർത്തലാക്കാൻ തീരുമാനിച്ചതായി ദുബായ് ഹെൽത്ത് അതോറിറ്റി (DHA) അറിയിച്ചു. ജനുവരി 19-ന് വൈകീട്ടാണ് DHA ഇത്തരം ഒരു അറിയിപ്പ് നൽകിയത്. ഈ തീരുമാനം ജനുവരി 19, ചൊവ്വാഴ്ച്ച മുതൽ പ്രാബല്യത്തിൽ വന്നതായും DHA വ്യക്തമാക്കിയിട്ടുണ്ട്.

.@DHA_Dubai announces continued Covid-19 screening centres for appointment-only tests at: Al-Nasr Club (7 days a week), Majlis Al-Rashidiya and Majlis Jumeirah Port, as well as walk-in centres at Deira City Center and Mall of the Emirates centers.https://t.co/krUbXKNWNQ pic.twitter.com/8Xvug0XmSs

— Dubai Media Office (@DXBMediaOffice) January 19, 2021

നിർത്തലാക്കുന്ന PCR പരിശോധനാ കേന്ദ്രങ്ങളിൽ ദുബായിലെ ഏതാനം മാളുകളിൽ പ്രവർത്തിക്കുന്ന ടെസ്റ്റിംഗ് കേന്ദ്രങ്ങളും ഉൾപ്പെടുന്നു. നിലവിൽ COVID-19 PCR ടെസ്റ്റിംഗ് സേവനം ലഭ്യമാകുന്ന DHA സ്ഥാപനങ്ങളുടെ പട്ടികയും അധികൃതർ ഈ അറിയിപ്പിനൊപ്പം പങ്ക് വെച്ചിട്ടുണ്ട്. ഇതിൽ ടെസ്റ്റിംഗ് സേവനങ്ങൾക്കായി മുൻ‌കൂർ ബുക്കിംഗ് നിർബന്ധമാക്കിയിട്ടുള്ളതും, ബുക്കിംഗ് കൂടാതെ നേരിട്ട് സന്ദർശിക്കാവുന്നതുമായ കേന്ദ്രങ്ങൾ ഉൾപ്പെടുന്നു.

മുൻ‌കൂർ ബുക്കിംഗ് നിർബന്ധമാക്കിയിട്ടുള്ള, COVID-19 PCR ടെസ്റ്റിംഗ് സേവനം ലഭ്യമാകുന്ന DHA കേന്ദ്രങ്ങൾ:

• അൽ നാസർ ക്ലബ് – ആഴ്ച്ചയിൽ ഏഴു ദിവസവും.
• മജ്‌ലിസ് അൽ റാഷിദിയ.
• മജ്‌ലിസ് ജുമേയ്‌റ പോർട്ട്.

ബുക്കിംഗ് കൂടാതെ COVID-19 PCR ടെസ്റ്റിംഗ് സേവനം ലഭ്യമാകുന്ന വോക്-ഇൻ DHA കേന്ദ്രങ്ങൾ:

• ദെയ്‌റ സിറ്റി സെന്ററിലെ കേന്ദ്രം.
• മാൾ ഓഫ് എമിറേറ്സിലെ കേന്ദ്രം.

താഴെ പറയുന്ന ഇടങ്ങളിലെ COVID-19 PCR ടെസ്റ്റിംഗ് കേന്ദ്രങ്ങളാണ് നിർത്തലാക്കുന്നത്:

• നഖീൽ മാൾ.
• ദുബായ് മാൾ.
• മിർദിഫ് സിറ്റി സെന്റർ.
• മജ്‌ലിസ് ഹംരിയ പോർട്ട്.

ഇതോടൊപ്പം, യാത്ര ചെയ്യുന്നവർക്കായി COVID-19 പരിശോധനകൾ ലഭ്യമാക്കുന്നതിന് ശബാബ് അൽ അഹ്‍ലി ക്ലബിൽ പ്രവർത്തിച്ചിരുന്ന കേന്ദ്രം അൽ നാസർ ക്ലബിലെ കേന്ദ്രത്തിലേക്ക് പ്രവർത്തനങ്ങൾ മാറ്റിയതായും DHA അറിയിച്ചിട്ടുണ്ട്.