2023 ഏപ്രിൽ 24 മുതൽ ദോഹ മെട്രോയുടെ സേവനങ്ങൾ പുതിയ പ്രവർത്തന സമയക്രമം പാലിച്ച് കൊണ്ടായിരിക്കുമെന്ന് ദോഹ മെട്രോ ആൻഡ് ലുസൈൽ ട്രാം അധികൃതർ അറിയിപ്പ് നൽകി. 2023 ഏപ്രിൽ 22-നാണ് ദോഹ മെട്രോ ഇത് സംബന്ധിച്ച അറിയിപ്പ് പുറത്തിറക്കിയത്.
ഏപ്രിൽ 24 മുതൽ ദോഹ മെട്രോ, ലുസൈൽ ട്രാം എന്നിവ താഴെ പറയുന്ന സമയക്രമം പാലിച്ചാണ് സേവനങ്ങൾ നൽകുന്നത്:
- ഞായർ മുതൽ ബുധൻ വരെ – രാവിലെ 5:30 മുതൽ രാത്രി 11:59 വരെ.
- വ്യാഴം – രാവിലെ 5:30 മുതൽ രാത്രി 1:00 മണി വരെ.
- വെള്ളി – ഉച്ചയ്ക്ക് 2:00 മുതൽ രാത്രി 1:00 മണി വരെ.
- ശനി – രാവിലെ 6:00 മുതൽ രാത്രി 11:59 വരെ.
