‘സായിദ് ആൻഡ് റാഷിദ്’ പ്രചാരണ പരിപാടിയുടെ ഭാഗമായി ദുബായ് വിമാനത്താവളത്തിലെത്തുന്ന യാത്രികരുടെ പാസ്‌പോർട്ടിൽ പ്രത്യേക സ്റ്റാമ്പ് പതിപ്പിച്ച് സ്വാഗതം ചെയ്യുന്നു. ദുബായ് മീഡിയ ഓഫീസാണ് ഇക്കാര്യം അറിയിച്ചത്.
.@DubaiAirports and @GDRFADUBAI welcome travellers with a special stamp featuring the ‘Zayed and Rashid’ logo. The initiative is part of the #ZayedAndRashid campaign launched by @BrandDubai, the creative arm of the Government of Dubai Media Office. pic.twitter.com/ghlaOHyR96
— Dubai Media Office (@DXBMediaOffice) November 21, 2024
ദുബായ് എയർപോർട്ട്, ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (GDRFA) എന്നിവർ ചേർന്നാണ് എമിറേറ്റിലേക്ക് പ്രവേശിക്കുന്ന സഞ്ചാരികളെ ‘സായിദ് ആൻഡ് റാഷിദ്’ പ്രചാരണ പരിപാടിയുടെ ലോഗോ ഉൾപ്പെടുത്തിയിട്ടുളള ഈ പ്രത്യേക പാസ്പോർട്ട് സ്റ്റാമ്പ് പതിപ്പിച്ച് സ്വാഗതം ചെയ്യുന്നത്. യു എ ഇയുടെ സ്ഥാപക പിതാക്കളോടുള്ള ബഹുമാനസൂചകമായാണ് ‘സായിദ് ആൻഡ് റാഷിദ്’ പ്രചാരണ പരിപാടി സംഘടിപ്പിക്കുന്നത്.
ബ്രാൻഡ് ദുബായിയുടെ നേതൃത്വത്തിലാണ് ‘#ZayedAndRashid’ എന്ന പ്രചാരണ പരിപാടി ഒരുക്കിയിരിക്കുന്നത്. ഷെയ്ഖ് സായിദ്, ഷെയ്ഖ് റാഷിദ് എന്നിവരുടെ പൈതൃകത്തിന്റെ ആഘോഷമെന്ന രീതിയിലാണിത്.
യു എ ഇ എന്ന രാഷ്ട്രത്തിന്റെ രൂപീകരണത്തിൽ ഷെയ്ഖ് സായിദ്, ഷെയ്ഖ് റാഷിദ് എന്നിവരുടെ ദർശനങ്ങൾ, പ്രയത്നങ്ങൾ എന്നിവ വഹിച്ചിട്ടുള്ള പങ്ക്, ആഗോള തലത്തിൽ തന്നെ പുതുമ, അഭിവൃദ്ധി, ആനന്ദം തുടങ്ങിയവയുടെ ആഗോളതലത്തിൽ തന്നെയുള്ള പ്രതീകമായി യു എ ഇ വളരുന്നതിലേക്ക് ഇവർ പാകിയ അടിത്തറ എന്നിവ ഈ പ്രചാരണപരിപാടി എടുത്ത് കാട്ടുന്നു.
ഒരു മാസം നീണ്ട്‌ നിൽക്കുന്ന യു എ ഇ ദേശീയദിനവുമായി ബന്ധപ്പെട്ട ആഘോഷങ്ങളുടെ ഭാഗമായാണ് ഈ പ്രാചാരണ പരിപാടി സംഘടിപ്പിക്കുന്നത്. ഇതിന്റെ ഭാഗമായി 2024 ഡിസംബർ 31 വരെ ദുബായിലേക്ക് പ്രവേശിക്കുന്ന സന്ദർശകരുടെ പാസ്സ്പോർട്ടുകളിൽ ഈ പ്രത്യേക ലോഗോ ഉൾപ്പെടുത്തിയിട്ടുളള സ്റ്റാമ്പ് പതിപ്പിക്കുന്നതാണ്.
Cover Image: Dubai Media Office.
