2025 ഫെബ്രുവരി 20 മുതൽ ഫെബ്രുവരി 28 വരെയുള്ള കാലയളവിൽ രണ്ടര ദശലക്ഷത്തോളം യാത്രികർക്ക് സേവനങ്ങൾ നൽകാൻ ഒരുങ്ങിയതായി ദുബായ് ഇന്റർനാഷണൽ എയർപോർട്ട് അറിയിച്ചു. 2025 ഫെബ്രുവരി 20-നാണ് എമിറേറ്റ്സ് ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
Dubai International to welcome 2.5 million passengers from 20-28 February#WamNews https://t.co/GEHhoXt0lS pic.twitter.com/gyDpK8piPM
— WAM English (@WAMNEWS_ENG) February 20, 2025
ആഗോളതലത്തിലുള്ള വിവിധ പരിപാടികൾ, സ്‌കൂൾ അവധിദിനങ്ങൾ തുടങ്ങിയവ മൂലമാണ് ഈ കാലയളവിൽ ദുബായ് ഇന്റർനാഷണൽ എയർപോർട്ടിൽ യാത്രികരുടെ അസാധാരണമായവിധത്തിലുള്ള തിരക്ക് അനുഭവപ്പെടുന്നത്.
ഈ കാലയളവിൽ ദുബായ് അന്താരാഷ്ട്ര വിമാനത്താവളത്തിലൂടെ പ്രതിദിനം 280,000 യാത്രികർ സഞ്ചരിക്കുമെന്നാണ് പ്രതീക്ഷിക്കുന്നത്. ഇതിൽ ഏറ്റവും തിരക്ക് അനുഭവപ്പെടുന്ന ദിനം 2025 ജനുവരി 22, ശനിയാഴ്ചയായിരിക്കുമെന്നും, ഈ ദിവസം 295,000-ൽ പരം യാത്രികർ ദുബായ് എയർപോർട്ടിലൂടെ സഞ്ചരിക്കുമെന്നും അധികൃതർ കൂട്ടിച്ചേർത്തു.
ദുബായ് ഇന്റർനാഷണൽ എയർപോർട്ടിന്റെ ടെർമിനൽ 1, 3 എന്നിവയിലേക്കും തിരികെയും സഞ്ചരിക്കുന്നവർ കഴിയുന്നതും ദുബായ് മെട്രോ സേവനങ്ങൾ ഉപയോഗപ്പെടുത്താൻ അധികൃതർ ആഹ്വാനം ചെയ്തിട്ടുണ്ട്.
WAM
