നിക്ഷേപകർക്കും, വ്യവസായ സ്ഥാപനങ്ങൾ ആരംഭിക്കാൻ ആഗ്രഹിക്കുന്നവർക്കും ബിസിനസ് ഓപ്പർച്യൂണിറ്റി വിസ പ്രയോജനപ്പെടുത്താമെന്ന് യു എ ഇ ഫെഡറൽ അതോറിറ്റി ഫോർ ഐഡന്റിറ്റി, സിസിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി (ICP) അറിയിച്ചു. എമിറേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
ICP calls on investors, entrepreneurs to benefit from Business Opportunities Visa#WamNews https://t.co/pWYlMUFwl7 pic.twitter.com/e6amywsONe
— WAM English (@WAMNEWS_ENG) February 19, 2025
ലോകത്തിന്റെ വിവിധ ഭാഗങ്ങളിൽ നിന്നുള്ള നിക്ഷേപകർ, വ്യവസായ സ്ഥാപനങ്ങൾ ആരംഭിക്കാൻ ആഗ്രഹിക്കുന്നവർ, തൊഴിൽ നൈപുണ്യമുള്ളവർ, വാണിജ്യ ധനവിനിയോഗകാര്യ വിദഗ്ദ്ധർ തുടങ്ങിയവർക്ക് യു എ ഇ നൽകുന്ന ബിസിനസ് ഓപ്പർച്യൂണിറ്റി വിസയുടെ നിരവധി ആനുകൂല്യങ്ങൾ പ്രയോജനപ്പെടുത്താമെന്നും ICP ആഹ്വാനം ചെയ്തിട്ടുണ്ട്.
യു എ ഇയിലെ വാണിജ്യ അവസരങ്ങൾ നേരിട്ട് വിലയിരുത്തുന്നതിന് സഹായിക്കുന്ന ഇത്തരം വിസിറ്റ് വിസകൾ നിക്ഷേപകർക്കും മറ്റും ഏറെ പ്രയോജനകരമാണെന്ന് ICP ചൂണ്ടിക്കാട്ടി. ഇത്തരം വിസകളിലുള്ളവർക്ക് ഒരു തവണയോ, നിരവധി തവണയോ യു എ ഇയിലേക്ക് പ്രവേശിക്കാൻ അനുമതി ലഭിക്കുമെന്നും, ഇത്തരം വിസയിൽ പ്രവേശിക്കുന്നവർക്ക് പരമാവധി 180 ദിവസം വരെ യു എ ഇയിൽ തുടരാൻ അനുമതി ലഭിക്കുമെന്നും അധികൃതർ കൂട്ടിച്ചേർത്തു.
താഴെ പറയുന്ന നിബന്ധനകൾ പാലിച്ച് കൊണ്ട് ഇത്തരം വിസകൾക്ക് അപേക്ഷിക്കാവുന്നതാണ്:
- യു എ ഇയിലെ വാണിജ്യ അവസരങ്ങൾ വിലയിരുത്താൻ ആഗ്രഹിക്കുന്ന മേഖലയിൽ യോഗ്യതയുള്ള വ്യക്തികൾക്കാണ് ഇത്തരം വിസകൾ നൽകുന്നത്.
- ഇവർക്ക് ആറ് മാസത്തിലധികം സാധുതയുള്ള പാസ്സ്‌പോർട്ട് നിർബന്ധമാണ്.
- ഇവർക്ക് യു എ ഇയിൽ ആരോഗ്യ സുരക്ഷാ ഇൻഷുറൻസ് പരിരക്ഷ ഉണ്ടായിരിക്കണം.
- ഇവർക്ക് യു എ ഇയിലേക്കും, തിരികെയും സഞ്ചരിക്കുന്നതിനുള്ള സ്ഥിരീകരിക്കപ്പെട്ട യാത്രാ ടിക്കറ്റ് ഉണ്ടായിരിക്കണം.
WAM [Cover Image: Pixabay.]
