അൽ ദഫ്‌റയിലെ ലിവയിൽ വെച്ച് നടക്കുന്ന ലിവ ഇന്റർനാഷണൽ ഫെസ്റ്റിവലിന്റെ മൂന്നാമത് പതിപ്പ് 2024 ഡിസംബർ 13-ന് ആരംഭിക്കും.
Liwa International Festival 2025 (LIWA 2025), taking place in Al Dhafra Region from 13 December 2024 to 4 January 2025, has revealed its programme of events including heritage and cultural activities, inspiring experiences, motorsports, family entertainment and live performances. pic.twitter.com/AEyYALEFbE
— مكتب أبوظبي الإعلامي (@ADMediaOffice) November 27, 2024
സാംസ്കാരിക പരിപാടികൾ, കുടുംബങ്ങൾക്ക് ഒത്തൊരുമിച്ച് ആസ്വദിക്കാനാകുന്ന കലാപരിപാടികൾ, മോട്ടോർസ്പോർട്സ് തുടങ്ങിയവ ഒത്തൊരുമിപ്പിച്ചാണ് ലിവ ഇന്റർനാഷണൽ ഫെസ്റ്റിവലിന്റെ മൂന്നാമത് പതിപ്പ് ഒരുക്കുന്നത്.
‘ലിവ 2025’ എന്ന പേരിൽ നടക്കുന്ന മൂന്നാമത് ലിവ ഇന്റർനാഷണൽ ഫെസ്റ്റിവൽ 2024 ഡിസംബർ 13 മുതൽ 2025 ജനുവരി 4 വരെ നീണ്ട് നിൽക്കും. ഇതിന്റെ ഭാഗമായി റേസുകൾ, ഡ്രിഫ്റ്റിംഗ്, ഡൂൺ ബാഷിങ് തുടങ്ങിയ മത്സരങ്ങൾക്കൊപ്പം തത്സമയമുള്ള വിനോദപരിപാടികൾ, സാംസ്കാരികക്കാഴ്ചകൾ തുടങ്ങിയവയും അരങ്ങേറുന്നതാണ്.
അൽ ദഫ്‌റ മേഖലയിൽ സ്ഥിതി ചെയ്യുന്ന യു എ ഇയിലെ തന്നെ ഏറ്റവും വലിയ മണൽക്കൂനയായ താൽ മോരീബിന്റെ താഴ്വരയിലാണ് ഈ ആഘോഷപരിപാടി സംഘടിപ്പിക്കുന്നത്.
മൂന്നാമത് ലിവ ഇന്റർനാഷണൽ ഫെസ്റ്റിവലിലെ പ്രധാന പരിപാടികൾ:
- ഡിസംബർ 13-14 തീയതികളിൽ – ഫ്രീസ്റ്റൈൽ ഡ്രിഫ്റ്റിംഗ്.
- ഡിസംബർ 15 – ബഗ്ഗി ടോർക് ചാലഞ്ച്.
- ഡിസംബർ 19 – ലിവ ബേൺ ഔട്ട് ചാലഞ്ച്.
- ഡിസംബർ 21 – ലിവ ഡ്രിഫ്റ്റ് ചാംപ്യൻഷിപ്.
- ഡിസംബർ 22 – ബൈക്ക് ഡ്രാഗ് റേസിംഗ്.
- ഡിസംബർ 27-28 തീയതികളിൽ – മോൺസ്റ്റർ ജാം.
- ഡിസംബർ 30-31 തീയതികളിൽ – കാർ സ്റ്റണ്ട് ചാംപ്യൻഷിപ്.
- 2025 ജനുവരി 1 – ഇലട്രോണിൿ ഫ്രീസ്റ്റൈൽ ചാംപ്യൻഷിപ്.
- ജനുവരി 2-4 വരെ – മോരീബ് ഡൂൺ കാർ ചാംപ്യൻഷിപ്.
അബുദാബി കൾച്ചർ ആൻഡ് ടൂറിസം, ലിവ സ്പോർട്സ് ക്ലബ്, അൽ ദഫ്‌റ മുനിസിപ്പാലിറ്റി, അബുദാബി പോലീസ്, മിറാൽ എന്നിവർ സംയുക്തമായാണ് ഈ മേള സംഘടിപ്പിക്കുന്നത്. പ്രാദേശികമായും, ആഗോളതലത്തിലും ശൈത്യകാലം ചെലവഴിക്കുന്നതിനായുള്ള മികച്ച ഒരു ഇടം എന്ന രീതിയിൽ അൽ ദഫ്‌റയുടെ പ്രാധാന്യം എടുത്ത് കാട്ടുന്നതാണ് ഈ മേള.
Cover Image: Abu Dhabi Media Office.
