സുൽത്താന്റെ സ്ഥാനാരോഹണ ദിനവുമായി ബന്ധപ്പെട്ട് ഒമാൻ പോസ്റ്റ് പ്രത്യേക സ്മാരക സ്റ്റാമ്പുകൾ പുറത്തിറക്കി. 2025 ജനുവരി 11-നാണ് ഒമാൻ പോസ്റ്റ് ഇക്കാര്യം അറിയിച്ചത്.
احتفاءً بالذكرى الخامسة لتولي حضرة صاحب الجلالة السلطان هيثم بن طارق المعظم مقاليد الحكم في البلاد؛ يسرنا الإعلان عن مجموعة بريدية تضم طابع تذكاري يخلد المناسبة، يسلط هذا الطابع الضوء على محاور وأولويات رؤية عُمان ٢٠٤٠ والإنجازات المتحققة خلال الخمسة أعوام الماضية في قطاعات… pic.twitter.com/RmYOCGPi1m
— طوابع ومقتنيات (@OMcollectibles) January 11, 2025
ഒമാൻ ഭരണാധികാരിയായി H.M. സുൽത്താൻ ഹൈതം ബിൻ താരീഖ് സ്ഥാനം ഏറ്റെടുത്തതിന്റെ അഞ്ചാം വാർഷികത്തിന്റെ ഭാഗമായാണ് ഈ സ്റ്റാമ്പുകൾ പുറത്തിറക്കിയിരിക്കുന്നത്.
ഒമാൻ വിഷൻ 2040-മായി ബന്ധപ്പെട്ട അടിസ്ഥാന ദർശനങ്ങൾ, മുൻഗണനകൾ എന്നിവ രേഖപ്പെടുത്തുന്ന നാല് സ്റ്റാമ്പുകൾ, സുൽത്താൻ ഹൈതം ബിൻ താരീഖിന്റെ രേഖാചിത്രം ആലേഖനം ചെയ്തിട്ടുള്ള ഒരു സ്റ്റാമ്പ് എന്നിവ ഇതിൽ ഉൾപ്പെടുന്നു.
‘പീപ്പിൾ ആൻഡ് സൊസൈറ്റി’ , ‘ഇക്കോണമി ആൻഡ് ഡവലപ്മെന്റ്’, ‘ഗോവെർണൻസ് ആൻഡ് ഇന്സ്ടിട്യൂഷണൽ പെർഫോമൻസ്’, ‘സസ്‌റ്റൈനബിൾ എൻവിറോണ്മെന്റ്’ എന്നീ ആശയങ്ങളെ രേഖപ്പെടുത്തുന്നതാണ് ഈ സ്റ്റാമ്പുകൾ.
ഇതിന് പുറമെ സുൽത്താൻ ഹൈതം ബിൻ താരീഖിന്റെ ഛായാചിത്രം മുദ്രണം ചെയ്തിട്ടുള്ള ഒരു ലിമിറ്റഡ് എഡിഷൻ ഗോൾഡ് സ്റ്റാമ്പും സുൽത്താന്റെ സ്ഥാനാരോഹണത്തിന്റെ അഞ്ചാം വാർഷികത്തിന്റെ ഭാഗമായി പുറത്തിറക്കിയിട്ടുണ്ട്.
ഒമാൻ പോസ്റ്റ് ഓൺലൈൻ സ്റ്റോറിൽ നിന്ന് ഈ സ്റ്റാമ്പുകൾ ലഭ്യമാണ്.
Cover Image: Oman Post.
