2022 ഏപ്രിൽ 8, വെള്ളിയാഴ്ച്ച സബാഹ് അൽ അഹ്മദ് കോറിഡോറിലെ ബു ഹമൗറിൽ എട്ട് മണിക്കൂർ നേരത്തേക്ക് ഗതാഗത നിയന്ത്രണം ഏർപ്പെടുത്തുമെന്ന് ഖത്തർ പബ്ലിക് വർക്സ് അതോറിറ്റി അറിയിച്ചു. 2022 ഏപ്രിൽ 5-നാണ് ഖത്തർ പബ്ലിക് വർക്സ് അതോറിറ്റി ഇത് സംബന്ധിച്ച അറിയിപ്പ് നൽകിയത്.
ഈ അറിയിപ്പ് പ്രകാരം ഏപ്രിൽ 8-ന് പുലർച്ചെ 2 മണിമുതൽ രാവിലെ 10 മണിവരെയാണ് ഈ ഗതാഗത നിയന്ത്രണം ഏർപ്പെടുത്തുന്നത്. ഹമദ് ഇന്റർനാഷണൽ എയർപോർട്ടിൽ നിന്ന് അൽ വായ്ബ് ഭാഗത്തേക്ക് സഞ്ചരിക്കുന്ന മേഖലയിലാണ് ബു ഹമൗറിൽ ഈ നിയന്ത്രണം ഏർപ്പെടുത്തുന്നത്.
ജനറൽ ഡയറക്ടറേറ്റ് ഓഫ് ട്രാഫിക്കുമായി ചേർന്നാണ് അതോറിറ്റി ഈ ഗതാഗത നിയന്ത്രണം ഏർപ്പെടുത്തുന്നത്. റോഡ് അടച്ചിടുന്ന സമയത്ത് ഹമദ് ഇന്റർനാഷണൽ എയർപോർട്ടിൽ നിന്ന് അൽ വായ്ബ് ഭാഗത്തേക്ക് സഞ്ചരിക്കുന്നവർ സർവീസ് റോഡുകൾ ഉപയോഗിക്കേണ്ടതാണെന്ന് അതോറിറ്റി അറിയിച്ചു.
