മുഹമ്മദ് ബിൻ താനി സ്ട്രീറ്റിൽ നിന്ന് അൽ റയ്യാൻ സ്ട്രീറ്റിലേക്കുള്ള പാത നാല്പത് ദിവസത്തേക്ക് ഭാഗികമായി അടച്ചതായി ഖത്തർ പബ്ലിക് വർക്സ് അതോറിറ്റി അറിയിച്ചു. 2022 ജൂൺ 21-നാണ് ഖത്തർ പബ്ലിക് വർക്സ് അതോറിറ്റി ഇക്കാര്യം അറിയിച്ചത്.
2022 ജൂൺ 21 മുതൽ ജൂലൈ 31 വരെയാണ് ഈ ഗതാഗത നിയന്ത്രണം ഏർപ്പെടുത്തുന്നത്. ഘട്ടം ഘട്ടമായി വിവിധ ഇടങ്ങളിലായാണ് രാത്രി 1 മണിമുതൽ പുലർച്ചെ 5 മണിവരെ ഈ നിയന്ത്രണം നടപ്പിലാക്കുന്നത്.
മേഖലയിലെ വെള്ളപ്പൊക്കം നിയന്ത്രിക്കുന്നതിനായുള്ള പദ്ധതിയുടെ ഭാഗമായുള്ള പൈപ്പുകൾ സ്ഥാപിക്കുന്നതിനായാണ് ഈ ഗതാഗത നിയന്ത്രണമെന്ന് അധികൃതർ അറിയിച്ചു.
