അൽ സലാം സൈക്ലിംഗ് ചാമ്പ്യൻഷിപ്പിന്റെ ഭാഗമായി എമിറേറ്റിലെ 13 റോഡുകളിൽ 2023 ജനുവരി 8, ഞായറാഴ്ച പത്ത് മുതൽ പതിനഞ്ച് മിനിറ്റ് വരെ ട്രാഫിക് തടസം അനുഭവപ്പെടുമെന്ന് ദുബായ് റോഡ്സ് ആൻഡ് ട്രാസ്പോർട്ട് അതോറിറ്റി (RTA) അറിയിച്ചു.
2023 ജനുവരി 8-ന് ഉച്ചയ്ക്ക് 1.30 മുതൽ വൈകീട്ട് 6 മണിവരെ വിവിധ ഘട്ടങ്ങളിലായാണ് ഈ റോഡുകളിൽ ഗതാഗത നിയന്ത്രണം ഏർപ്പെടുത്തുന്നത്.
താഴെ പറയുന്ന റോഡുകളിലാണ് ഘട്ടം ഘട്ടമായി പത്ത് മുതൽ പതിനഞ്ച് മിനിറ്റ് വരെയുള്ള ഗതാഗത നിയന്ത്രണം ഏർപ്പെടുത്തുന്നതെന്ന് RTA അറിയിച്ചു:
- ജുമേയ്‌റ സ്ട്രീറ്റ്.
- ഇൻഫിനിറ്റി ബ്രിഡ്ജ്.
- അൽ ഖലീജ് സ്ട്രീറ്റ്.
- 2nd ഡിസംബർ സ്ട്രീറ്റ്.
- 2nd സാബീൽ സ്ട്രീറ്റ്.
- അൽ മുസ്താഖ്ബാൽ സ്ട്രീറ്റ്.
- മെയ്ദാൻ സ്ട്രീറ്റ്.
- മനാമ സ്ട്രീറ്റ്.
- എക്സ്പോ സ്ട്രീറ്റ്.
- ലെഹ്‌ബാബ് റോഡ്.
- അൽ ഖുദ്ര സ്ട്രീറ്റ്.
- അൽ ബൗർസ സ്ട്രീറ്റ്.
- ഷെയ്ഖ് സായിദ് ബിൻ ഹംദാൻ അൽ നഹ്യാൻ സ്ട്രീറ്റ്.
2023 ജനുവരി 8-ന് ഉച്ചയ്ക്ക് 1.30 മുതൽ വൈകീട്ട് 6 മണിവരെ അൽ ഖുദ്ര സൈക്ലിംഗ് ട്രാക്ക് അടച്ചിടുമെന്നും RTA അറിയിച്ചിട്ടുണ്ട്.
Cover Image: WAM.
