ദേശീയ കറൻസിയുടെ ഔദ്യോഗിക ചിഹ്നത്തിന് സൗദി ഭരണാധികാരി സൽമാൻ ബിൻ അബ്ദുൽഅസീസ് അംഗീകാരം നൽകി. 2025 ഫെബ്രുവരി 20-നാണ് സൗദി പ്രസ്സ് ഏജൻസി ഇക്കാര്യം റിപ്പോർട്ട് ചെയ്തത്.
The Saudi riyal symbol, developed to the highest technical standards, embodies the Kingdom's rich cultural heritage, carrying the name of the national currency "Riyal" in a design derived from Arabic calligraphy. The symbol will streamline the representation of the Saudi riyal in… pic.twitter.com/XJbiIGjvIn
— SPAENG (@Spa_Eng) February 20, 2025
സൗദി അറേബ്യയുടെ സംസ്കാരം, പൈതൃകം എന്നിവ പ്രതിഫലിപ്പിക്കുന്ന രീതിയിലാണ് സൗദി റിയാലിന്റെ ഔദ്യോഗിക ചിഹ്നം രൂപകൽപന ചെയ്തിരിക്കുന്നത്.
സൗദി ദേശീയ കറൻസിയ്ക്ക് കരുത്ത് പകരുന്നത് ലക്ഷ്യമിട്ടാണ് ഇത്തരം ഒരു ഔദ്യോഗിക ചിഹ്നത്തിന് അംഗീകാരം നൽകിയിരിക്കുന്നത്.
ഇതോടൊപ്പം സൗദി ദേശീയ കറൻസിയുടെ സാമ്പത്തിക വ്യക്തിത്വം, സാമ്പത്തിക സാന്നിദ്ധ്യം എന്നിവ ശക്തമാക്കുന്നതിനും ഇതിലൂടെ ലക്ഷ്യമിടുന്നു. ഈ തീരുമാനം സൗദി അറേബ്യയുടെ സാമ്പത്തിക സ്വത്വം ആഗോള തലത്തിലും, പ്രാദേശികതലത്തിലും ശക്തിപ്പെടുത്തുന്നതിന് ഏറെ സഹായകമാകുമെന്ന് സൗദി സെൻട്രൽ ബാങ്ക് ഗവർണർ അയ്മൻ മുഹമ്മദ് അൽ സയരി ചൂണ്ടിക്കാട്ടി.
ഈ പുതിയ ദേശീയ കറൻസി ചിഹ്നത്തിന്റെ ഉപയോഗം കാലതാമസം കൂടാതെ ആരംഭിക്കുമെന്നും, ഇത് ക്രമേണ സാമ്പത്തിക, വാണിജ്യ ഇടപാടുകളിലും, വിവിധ ആപ്ലിക്കേഷനുകളിലും ഏകോപിപ്പിക്കുമെന്നും അധികൃതർ അറിയിച്ചിട്ടുണ്ട്.
Cover Image: Saudi Press Agency.
