ഈ വർഷത്തെ ഷെയ്ഖ് സായിദ് ഫെസ്റ്റിവൽ 2024 നവംബർ 1-ന് ആരംഭിക്കും. മേളയുടെ സംഘാടക കമ്മിറ്റി ഇക്കാര്യം സ്ഥിരീകരിച്ചു.
അബുദാബിയിലെ അൽ വത്ബയിൽ വെച്ചാണ് ഷെയ്ഖ് സായിദ് പൈതൃകോത്സവം 2024-2025 നടത്തുന്നത്. 2024 നവംബർ 1 മുതൽ 2025 ഫെബ്രുവരി 28 വരെയാണ് ഇത്തവണത്തെ ഷെയ്ഖ് സായിദ് ഫെസ്റ്റിവൽ സംഘടിപ്പിക്കുന്നത്.
27-ൽ പരം രാജ്യങ്ങളിൽ നിന്നുള്ള 30,000-ലധികം പ്രദർശകരും പങ്കാളികളും ഇത്തവണത്തെ ഷെയ്ഖ് സായിദ് പൈതൃകോത്സവത്തിൽ പങ്കെടുക്കുന്നുണ്ട്. ഏറെ പുതുമകളോടെയാണ് ഇത്തവണത്തെ ഷെയ്ഖ് സായിദ് ഫെസ്റ്റിവൽ ഒരുക്കുന്നതെന്ന് സംഘാടകർ അറിയിച്ചിട്ടുണ്ട്.
നാല് മാസത്തോളം നീണ്ട് നിൽക്കുന്ന ഈ പൈതൃകോത്സവത്തിന്റെ ഭാഗമായി ആറായിരത്തിലധികം അന്താരാഷ്ട്ര സാംസ്‌കാരിക പരിപാടികൾ അരങ്ങേറുന്നതാണ്. യു എ ഇയുടെ പൈതൃകം ആഘോഷിക്കുന്ന ഈ മേള “ഹയാകും” (അറബിക് സ്വാഗതം) എന്ന പ്രമേയത്തിൽ ഊന്നിയാണ് ഒരുക്കുന്നത്.
