Tag: dubai

ദുബായിലെ ഗ്രോസറി, ഫാർമസി, സൂപ്പർമാർക്കറ്റുകൾ എന്നിവ ഒഴികെയുള്ള എല്ലാ വാണിജ്യസ്ഥാപനങ്ങളും മാർച്ച് 25 മുതൽ ഏപ്രിൽ 8 വരെ അടച്ചിടാൻ ദുബായ് ഇക്കോണമി നിർദ്ദേശം നൽകി.

പൊതുജനങ്ങളുടെ ആരോഗ്യ സുരക്ഷ ഉറപ്പാക്കുന്നതിന്റെ ഭാഗമായി വിവിധ ടൂർ സേവനങ്ങളും, പ്രവർത്തനങ്ങളും താത്കാലികമായി നിർത്തിവെക്കാൻ എല്ലാ ടൂർ ഓപ്പറേറ്റർമാർക്കും ഡിപ്പാർട്മെന്റ് ഓഫ് ടൂറിസം ആൻഡ് കോമേഴ്‌സ് മാർക്കറ്റിംഗ് (DTCM) നിർദ്ദേശം നൽകി.

വീടുകളിലും അല്ലാതെയുമുള്ള വിവാഹ ചടങ്ങുകൾ, ആഘോഷങ്ങൾ, പാർട്ടികൾ എന്നിവയിൽ പങ്കെടുക്കുന്നതും, നടത്തുന്നതും ഒഴിവാക്കാൻ പൊതുജനങ്ങളോട് ദുബായിലെ സുപ്രീം കമ്മിറ്റി ഓഫ് ക്രൈസിസ് മനാജ്മെന്റ് ആഹ്വാനം ചെയ്തു.

ദുബായിലെ പൊതു ലൈബ്രറികളും, ചരിത്ര സ്മാരകങ്ങളും, മ്യൂസിയങ്ങളും മാർച്ച് 15 മുതൽ ഈ മാസം അവസാനം വരെ താത്കാലികമായി അടച്ചിടുന്നതിനു തീരുമാനമെടുത്തതായി ദുബായ് കൾച്ചർ ആൻഡ് ആർട്സ് അതോറിറ്റി അറിയിച്ചു.