ഹസീം അൽ തിമൈദ് സ്ട്രീറ്റിലെ ഒരു മേഖലയിൽ 2024 ജൂലൈ 20 വരെ താത്കാലിക ഗതാഗത നിയന്ത്രണം ഏർപ്പെടുത്തിയതായി ഖത്തർ പബ്ലിക് വർക്സ് അതോറിറ്റി അറിയിച്ചു. 2024 ജൂലൈ 3-നാണ് ഖത്തർ പബ്ലിക് വർക്സ് അതോറിറ്റി ഇക്കാര്യം അറിയിച്ചത്.
സ്ട്രീറ്റ് 2234-മായി ഈ സ്ട്രീറ്റ് കൂടിച്ചേരുന്ന ഇന്റർസെക്ഷൻ റൌണ്ട്എബൌട്ട് (അൽ ഫറൂഷ്, അൽ ഖരൈതിയത് പ്രദേശത്തെ ബർഗ ഹലീമ സ്ട്രീറ്റ് ദിശയിൽ) മുതൽ ഇരുവശത്തേക്കുമാണ് ഈ നിയന്ത്രണം.
ഈ പ്രദേശത്തെ റോഡിലെ അറ്റകുറ്റപ്പണികൾ പൂർത്തിയാക്കുന്നതിനായാണിത്. 2024 ജൂലൈ 4 മുതൽ ജൂലൈ 20 വരെ ഏർപ്പെടുത്തുന്ന ഈ നിയന്ത്രണം ജനറൽ ട്രാഫിക് ഡയറക്റ്ററേറ്റുമായി സഹകരിച്ചാണ് നടപ്പിലാക്കുന്നത്.
