മൺസൂൺ മഴക്കാലത്തെ (ഖരീഫ് സീസൺ) സഞ്ചാരികളുടെ തിരക്ക് കണക്കിലെടുത്ത് കൊണ്ട് സുൽത്താൻ ഖാബൂസ് സ്ട്രീറ്റിലെ ഒരു മേഖലയിൽ ട്രാഫിക് വഴിതിരിച്ച് വിടുന്നതായി ദോഫാർ മുനിസിപ്പാലിറ്റി അറിയിച്ചു. പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തിരിക്കുന്നത്.
റോയൽ ഒമാൻ പോലീസുമായി ചേർന്നാണ് ദോഫാർ മുനിസിപ്പാലിറ്റി ഈ നിയന്ത്രണം നടപ്പിലാക്കുന്നത്. ഇതിന്റെ ഭാഗമായി സുൽത്താൻ ഖാബൂസ് സ്ട്രീറ്റിലെ താഴെ പറയുന്ന മേഖലകൾ വൺ വേ ആക്കി നിയന്ത്രണം ഏർപ്പെടുത്തുന്നതാണ്:
- കിഴക്ക് നിന്ന് പടിഞ്ഞാറ് ദിശയിൽ അൽ ദാഹരിസ് റൌണ്ട്എബൗട്ട് തൊട്ട് അൽ ഹഫാഹ് വരെ.
- അൽഫലാഹ് – അൽമൻസൗരഹ് സ്ട്രീറ്റ് വരെ പടിഞ്ഞാറ് ദിശയിൽ നിന്നുള്ള ട്രാഫിക്.
ഈ നിയന്ത്രണം 2024 ജൂലൈ 21, ഞായറാഴ്ച വൈകീട്ട് മുതൽ പ്രാബല്യത്തിൽ വന്നിട്ടുണ്ട്. ഈ നിയന്ത്രണം ഖരീഫ് സീസൺ അവസാനിക്കുന്നത് വരെ തുടരുന്നതാണ്.
Cover Image: Oman News Agency.
