യു എ ഇയുടെ 54-മത് ദേശീയ ദിനാഘോഷങ്ങളുടെ (ഈദ് അൽ ഇത്തിഹാദ്) ഭാഗമായി രാജ്യത്തെ പൊതു മേഖലയിലെ അവധിദിനങ്ങൾ സംബന്ധിച്ച് ഫെഡറൽ അതോറിറ്റി ഫോർ ഗവണ്മെന്റ് ഹ്യൂമൻ റിസോഴ്സസ് അറിയിപ്പ് നൽകി. 2025 നവംബർ 17-നാണ് അധികൃതർ ഇത് സംബന്ധിച്ച അറിയിപ്പ് പുറത്തിറക്കിയത്.
أعلنت الهيئة الاتحادية للموارد البشرية الحكومية أن عطلة عيد الاتحاد الــ54 لدولة الإمارات العربية المتحدة، لموظفي الوزارات والجهات الاتحادية ستكون يومي الاثنين والثلاثاء الموافقين 1 – 2 ديسمبر لعام 2025، على أن يستأنف الدوام الرسمي يوم الأربعاء الموافق الثالث من ديسمبر. pic.twitter.com/wvvPka626H
— FAHR (@FAHR_UAE) November 17, 2025
ഈ അറിയിപ്പ് പ്രകാരം, 2025 ഡിസംബർ 1, തിങ്കളാഴ്ച, 2025 ഡിസംബർ 2, ചൊവ്വാഴ്ച എന്നീ ദിനങ്ങളിൽ യു എ ഇയിലെ സർക്കാർ മേഖലയിൽ നാഷണൽ ഡേയുമായി ബന്ധപ്പെട്ട ഔദ്യോഗിക അവധിദിനങ്ങളായിരിക്കും. ഇതോടെ 2025 നവംബർ 29, ശനിയാഴ്ച, നവംബർ 30, ഞായറാഴ്ച എന്നീ വാരാന്ത്യ അവധിദിനങ്ങൾ ഉൾപ്പടെ പൊതുമേഖലയിൽ നാല് ദിവസത്തെ അവധി ലഭിക്കുന്നതാണ്.
അവധിയ്ക്ക് ശേഷം സർക്കാർ സ്ഥാപനങ്ങളുടെ പ്രവർത്തനം 2025 ഡിസംബർ 3, ബുധനാഴ്ച മുതൽ പുനരാരംഭിക്കുന്നതാണ്.
