രാജ്യത്തെ പുതുക്കിയ റെസിഡൻസി വിസ നിയമങ്ങൾ പ്രകാരം പ്രവാസികളുടെ പാസ്സ്പോർട്ടുകളിൽ വിസ സ്റ്റാമ്പ് ചെയ്യുന്ന നടപടി നിർബന്ധമല്ലാതായതായി റോയൽ ഒമാൻ പോലീസ് (ROP) അറിയിച്ചു. ROP സ്രോതസ്സുകളെ ഉദ്ധരിച്ച് കൊണ്ട് പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട ചെയ്തിരിക്കുന്നത്.
പ്രവാസികളുടെ പാസ്സ്പോർട്ടുകളിൽ വിസ പതിപ്പിക്കുന്നതിന് പകരമായി, വിസ ആവശ്യങ്ങൾക്ക്, ഒമാനിലെ റെസിഡൻസി കാർഡ് മതിയാകുമെന്നും ROP അറിയിച്ചിട്ടുണ്ട്. ഇതോടെ ഒമാനിൽ പ്രവാസികളുടെ പാസ്സ്പോർട്ടുകളിൽ വിസ സ്റ്റാമ്പ് ചെയ്യുന്ന നടപടി ഒഴിവാകുന്നതാണ്.
