സർക്കാർ സ്ഥാപനങ്ങളുടെ റമദാനിലെ പ്രവർത്തന സമയക്രമം സംബന്ധിച്ച് കുവൈറ്റ് അധികൃതർ അറിയിപ്പ് നൽകി. കുവൈറ്റ് സിവിൽ സർവീസ് കമ്മിഷനാണ് ഇത് സംബന്ധിച്ച അറിയിപ്പ് നൽകിയത്.
مواعيد الدوام خلال شهر رمضان المبارك في الفترة الصباحية والمسائية #CGCKuwait pic.twitter.com/9XdQHzj5D8
— مركز التواصل الحكومي (@CGCKuwait) February 17, 2025
ഇതിന്റെ ഭാഗമായി റമദാനിൽ ജീവനക്കാരുടെ പ്രതിദിന പ്രവർത്തിസമയം നാലര മണിക്കൂറാക്കി ചുരുക്കി നൽകിയിട്ടുണ്ട്. ഈ അറിയിപ്പ് പ്രകാരം, പകൽ ഷിഫ്റ്റിൽ തൊഴിലെടുക്കുന്നവരുടെ പ്രവർത്തിസമയം രാവിലെ 8:30 മുതൽ 10:30 വരെയുള്ള കാലയളവിൽ ആരംഭിക്കുന്നതാണ്.
ജീവനക്കാർക്ക് ഈ സമയത്തിനിടയിൽ തങ്ങളുടെ പ്രവർത്തനസമയക്രമം ക്രമീകരിച്ച് കൊണ്ട് ജോലിയിൽ പ്രവേശിക്കാവുന്നതും നാലര മണിക്കൂർ പ്രവർത്തി ചെയ്യാവുന്നതുമാണ്. വൈകീട്ടത്തെ ഷിഫ്റ്റ് 6:45-ന് ശേഷമായിരിക്കും ആരംഭിക്കുന്നത്.
ഇതിൽ വനിതാ ജീവനക്കാർക്ക് 15 മിനിറ്റ് വീതമുള്ള രണ്ട് ഇളവുകളും, പുരുഷന്മാർക്ക് 15 മിനിറ്റ് വരെയുള്ള ഒരു ഇളവും അനുവദിച്ചിട്ടുണ്ട്.
