അബുദാബി : മുസഫ ക്യാപിറ്റൽ മാളിൽ ലുലു ബിഗ് റ്റെൻഡ് മെഗാ ഡിസ്‌കൗണ്ട് മേളയോടനുബന്ധിച്ച് പ്രവാസി ഭാരതി 1539 AM നേതൃത്വം നൽകിയ റോഡ് ഷോ സംഘടിപ്പിച്ചു. അണിയറ പ്രവർത്തകരോടൊപ്പം തിരഞ്ഞെടുത്ത പ്രവാസി കലാകാരന്മാരും വേദി പങ്കിട്ടു.
മനസ്സിലെ വിഷമങ്ങളെല്ലാം കുറച്ചു സമയത്തേക്കെങ്കിലും മറന്ന് ഈ സദസ്സിൽ പങ്കെടുക്കാൻ കഴിഞ്ഞതിൽ വളരെയേറെ സന്തോഷമുണ്ടെന്ന് പ്രേക്ഷകരായെത്തിയ പ്രവാസി കുടുംബങ്ങൾ അഭിപ്രായപ്പെട്ടു. കമ്പ്യൂട്ടറും ഇന്റർനെറ്റും അല്ലാതെ കുറച്ചു സമയം നമ്മുടെ മാനസിക സമ്മർദ്ദങ്ങൾ കുറയ്ക്കാനും ഇത്തരം ഒത്തുചേരലുകൾ സഹായിക്കും എന്നും ചിലർ മനസുതുറന്നു.
പ്രവാസി ഭാരതി അവതാരകരായ നസീർ മുഹമ്മദ്, രാകേഷ് രാജ്, ശ്രീചിത്തിര, നിത്യ എന്നിവരോടൊപ്പം ഗായകരായ സനം ഷെരീഫ്, വിഷ്‌ണു എസ് കുറുപ്പ് എന്നിവരും പങ്കെടുത്തു. പ്രവാസി ഭാരതി ബ്രോഡ്കാസ്റ്റിംഗ് കോർപറേഷൻ ചെയർമാനും , ജനറൽ മാനേജരുമായ ശ്രീ.കെ.ചന്ദ്രസേനനും വേദിയിൽ സന്നിഹിതനായിരുന്നു.
ഇതുപോലുള്ള റോഡ് ഷോകൾ എന്നും പ്രവാസി മലയാളികൾ ഇഷ്ട്ടപ്പെടുന്നു എന്നതാണ് ഇന്നലെ ക്യാപിറ്റൽ മാളിൽ ദൃശ്യമായ ജനപങ്കാളിത്തം വ്യക്തമാക്കുന്നത്.
