അഞ്ചാമത് അൽ ദഫ്‌റ ബുക്ക് ഫെസ്റ്റിവൽ 2024 ഡിസംബർ 9, തിങ്കളാഴ്ച്ച ആരംഭിക്കും. അബുദാബി മീഡിയ ഓഫീസാണ് ഇത് സംബന്ധിച്ച അറിയിപ്പ് നൽകിയത്.
Under the patronage of Hamdan bin Zayed, the 5th Al Dhafra Book Festival, organised by @AbuDhabiALC, will take place from 9-15 December 2024 at Madinat Zayed Public Park, supporting the local publishing industry and celebrating the Arabic language. pic.twitter.com/610w2Nzcyu
— مكتب أبوظبي الإعلامي (@ADMediaOffice) December 8, 2024
അബുദാബി അറബിക് ലാംഗ്വേജ് സെന്ററാണ് ഈ പുസ്തകമേള സംഘടിപ്പിക്കുന്നത്. അൽ ദഫ്‌റയിലെ മദീനത് സായിദ് പബ്ലിക് പാർക്കിലാണ് അഞ്ചാമത് അൽ ദഫ്‌റ ബുക്ക് ഫെസ്റ്റിവൽ ഒരുക്കുന്നത്.
ഇത്തവണത്തെ അൽ ദഫ്‌റ ബുക്ക് ഫെസ്റ്റിവൽ 2024 ഡിസംബർ 9 മുതൽ ഡിസംബർ 15 വരെ നീണ്ട് നിൽക്കും. ‘അൽ ദഫ്‌റ: സാംസ്‌കാരിക പൈതൃകത്തിന്റെ ആഘോഷം’ എന്ന പ്രമേയത്തിലൂന്നിയാണ് അൽ ദഫ്‌റ ബുക്ക് ഫെസ്റ്റിവൽ സംഘടിപ്പിക്കുന്നത്.
നൂറിലധികം പ്രാദേശിക, അറബ് പ്രസാധകർ ഈ പുസ്തകമേളയിൽ പങ്കെടുക്കുന്നതാണ്. ഏതാണ്ട് അമ്പതിനായിരത്തിലധികം പുസ്തകങ്ങളാണ് ഈ മേളയിൽ ഉൾപ്പെടുത്തിയിരിക്കുന്നത്.
അൽ ദഫ്‌റ ബുക്ക് ഫെസ്റ്റിവലിന്റെ ഭാഗമായി ഇരുന്നൂറിൽ പരം സാംസ്‌കാരിക, സാഹിത്യ, കലാ പരിപാടികൾ സംഘടിപ്പിക്കുമെന്നും അധികൃതർ അറിയിച്ചിട്ടുണ്ട്.
Cover Image: Abu Dhabi Media Office.
