എമിറേറ്റിലെ എക്സിബിഷനുകൾ, മറ്റു പരിപാടികൾ മുതലായവയിൽ പ്രവേശിക്കുന്നവർക്ക് ഏർപ്പെടുത്തിയിട്ടുള്ള പ്രവേശന നിബന്ധനകളിൽ മാറ്റം വരുത്തിയതായി അബുദാബി എമർജൻസി ക്രൈസിസ് ആൻഡ് ഡിസാസ്റ്റേഴ്‌സ് കമ്മിറ്റി വ്യക്തമാക്കി. 2021 ഒക്ടോബർ 31, ഞായറാഴ്ച്ച മുതൽ പുതുക്കിയ നിർദ്ദേശങ്ങൾ പ്രാബല്യത്തിൽ വരുമെന്നും കമ്മിറ്റി അറിയിച്ചിട്ടുണ്ട്.
അബുദാബിയിലെ എക്സിബിഷനുകൾ, മറ്റു പരിപാടികൾ എന്നിവ നടക്കുന്ന വേദികളിലേക്ക് പ്രവേശിക്കുന്നതിനുള്ള മാനദണ്ഡങ്ങൾ:
- അൽ ഹോസൻ ആപ്പിൽ ഗ്രീൻ സ്റ്റാറ്റസ് നിർബന്ധം.
- വേദിയിലേക്ക് പ്രവേശിക്കുന്നതിന് മുൻപ് 96 മണിക്കൂറിനിടയിൽ നേടിയിട്ടുള്ള നെഗറ്റീവ് PCR റിസൾട്ട് നിർബന്ധമാണ്.
- സന്ദർശകർക്ക് മാസ്കുകൾ നിർബന്ധമാണ്.
അബുദാബിയിൽ വെച്ച് നടക്കുന്ന വാണിജ്യ, സാംസ്‌കാരിക, കായിക, വിനോദ പരിപാടികൾ, പ്രദർശനങ്ങൾ എന്നിവയ്ക്ക് ഈ നിർദ്ദേശങ്ങൾ ബാധകമാണ്.
