റമദാനിൽ തീർത്ഥാടകർക്ക് ഒന്നിലധികം തവണ ഉംറ അനുഷ്ഠിക്കുന്നതിന് അനുമതിയില്ലെന്ന് സൗദി ഹജ്ജ്, ഉംറ മന്ത്രാലയം ആവർത്തിച്ച് വ്യക്തമാക്കി. പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തിരിക്കുന്നത്.
റമദാനിൽ ഉംറ അനുഷ്ഠിക്കുന്നതിന് ഒരു തവണ മാത്രമാണ് അനുമതിയെന്നാണ് മന്ത്രാലയം അറിയിച്ചിരിക്കുന്നത്. എല്ലാ തീർത്ഥാടകർക്കും സുഗമമായ തീർത്ഥാടന അനുഭവം നൽകുന്നതിനും, തിരക്ക് കുറയ്ക്കുന്നതിനുമായി റമദാനിൽ ഉംറ തീർത്ഥാടനം ഒരു തവണ മാത്രമാക്കി നിജപ്പെടുത്താൻ മന്ത്രാലയം നേരത്തെ ആഹ്വാനം ചെയ്തിരുന്നു.
ഉംറ തീർത്ഥാടകർക്ക് നുസുക്, അല്ലെങ്കിൽ തവക്കൽന ആപ്പിലൂടെയുള്ള മുൻ‌കൂർ ബുക്കിംഗ് നിർബന്ധമാണെന്ന് സൗദി ഉംറ സെക്യൂരിറ്റി വിഭാഗം നേരത്തെ വ്യക്തമാക്കിയിട്ടുണ്ട്.
