ഈ റമദാനിൽ ഷാർജ മ്യൂസിയം ഓഫ് ഇസ്ലാമിക് സിവിലൈസേഷനിലേക്കുള്ള പ്രവേശനം സൗജന്യമാണെന്ന് ഷാർജ മ്യൂസിയം അതോറിറ്റി അറിയിച്ചു. 2023 ഏപ്രിൽ 7-നാണ് എമിറേറ്റ്സ് ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
ശനി മുതൽ വ്യാഴം വരെയുള്ള ദിനങ്ങളിൽ രാവിലെ 9:00 മുതൽ ഉച്ചയ്ക്ക് 2:00 വരെയും രാത്രി 9:00 മുതൽ 11:00 വരെയും മ്യൂസിയത്തിലേക്ക് പ്രവേശനം അനുവദിക്കുന്നതാണ്. വിശുദ്ധ റമദാനിലെ അവസാന പത്ത് ദിവസങ്ങളിൽ, എല്ലാ മ്യൂസിയങ്ങളുടെയും പ്രവർത്തന സമയം രാവിലെ മാത്രമായി ചുരുങ്ങുമെന്നും, റമദാൻ 29, 30 തീയതികളിൽ മ്യൂസിയങ്ങൾക്ക് അവധിയായിരിക്കുമെന്നും അതോറിറ്റി അറിയിച്ചിട്ടുണ്ട്.
ഷാർജ മ്യൂസിയം ഓഫ് ഇസ്ലാമിക് സിവിലൈസേഷനിലെത്തുന്ന സന്ദർശകർക്ക് ഇസ്ലാമിക നാഗരികതകളെക്കുറിച്ചും, വിവിധ മേഖലകളിൽ അവ നൽകിയ സംഭവനകളെക്കുറിച്ചും, ഇസ്ലാമിക ആചാരങ്ങൾ, അനുഷ്ടാനങ്ങൾ, സാംസ്‌കാരിക തനിമ, ശാസ്ത്രീയ നേട്ടങ്ങൾ എന്നിവയെക്കുറിച്ചും അടുത്തറിയുന്നതിന് അവസരം ലഭിക്കുന്നതാണ്.
WAM
