സാംക്രമികേതര രോഗങ്ങളുമായി ബന്ധപ്പെട്ട ദേശീയ സർവേയുടെ ആദ്യ ഘട്ടം ഒമാനിൽ ആരംഭിച്ചു. ഒമാൻ ആരോഗ്യ മന്ത്രാലയമാണ് ഇത് സംബന്ധിച്ച അറിയിപ്പ് നൽകിയത്.
Notice|| The Ministry of Health is currently conducting the first phase of the national survey for non-communicable diseases across all governorates of the Sultanate of Oman.
— وزارة الصحة – سلطنة عُمان (@OmaniMOH) January 20, 2025
🔹 Please facilitate the work of the specialized field teams and disregard rumors. pic.twitter.com/cqMqFXHJT3
നിലവിൽ ഒമാനിലെ മുഴുവൻ ഗവർണറേറ്റുകളിലും ഈ സർവേ നടന്ന് വരുന്നതായി മന്ത്രാലയം ചൂണ്ടിക്കാട്ടിയിട്ടുണ്ട്.
ഈ സർവ്വേയുമായി സഹകരിക്കാൻ ഒമാനിലെ പൗരന്മാരോടും, പ്രവാസികളോടും മന്ത്രാലയം ആഹ്വാനം ചെയ്തിട്ടുണ്ട്. ഈ സർവ്വേയുമായി ബന്ധപ്പെട്ട് പ്രചരിക്കുന്ന ഊഹാപോഹങ്ങൾ തള്ളിക്കളയണമെന്ന് മന്ത്രാലയം ആവശ്യപ്പെട്ടിട്ടുണ്ട്.
ഈ സർവ്വേയുമായി ബന്ധപ്പെട്ട് ആരോഗ്യ മന്ത്രാലയത്തിൽ നിന്നുള്ള ആരോഗ്യ പ്രവർത്തകർ വീടുകൾ തോറും സന്ദർശനം നടത്തുന്നതായും, റെസിഡൻഷ്യൽ മാപ്പുകളിൽ വിവരങ്ങൾ അടയാളപ്പെടുത്തുന്നതായും, വീടുകളിൽ നിന്നുള്ള വിവരങ്ങൾ ശേഖരിക്കുന്നതായും, ട്രാക്കിങ് ആവശ്യങ്ങൾക്കായി വീടുകളിൽ QR കോഡുകളടങ്ങിയ സ്റ്റിക്കറുകൾ പതിപ്പിക്കുന്നതായും മന്ത്രാലയം വ്യക്തമാക്കിയിട്ടുണ്ട്.
