രാജ്യത്തിന്റെ വിവിധ പ്രദേശങ്ങളിൽ വരും ദിനങ്ങളിൽ വടക്കുപടിഞ്ഞാറൻ കാറ്റ് ശക്തമാകുമെന്ന് ഒമാൻ ദേശീയ കാലാവസ്ഥാ കേന്ദ്രം അറിയിച്ചു. 2025 ഫെബ്രുവരി 2-നാണ് ഒമാൻ ദേശീയ കാലാവസ്ഥാ കേന്ദ്രം ഇത് സംബന്ധിച്ച അറിയിപ്പ് നൽകിയത്.
نشاط الرياح الشمالية الغربية ابتداء من مساء اليوم الأحد
— الأرصاد العمانية (@OmanMeteorology) February 2, 2025
الموافق 2-2-2025م وتستمر لعدة أيام تؤثر على معظم
محافظات سلطنة عمان pic.twitter.com/M7xPvAphvV
ഈ അറിയിപ്പ് പ്രകാരം 2025 ഫെബ്രുവരി 2, ഞായറാഴ്ച്ച വൈകീട്ട് മുതൽ ഒമാനിൽ വടക്കുപടിഞ്ഞാറൻ കാറ്റ് ശക്തമാകുന്നതാണ്. ഈ കാറ്റ് ഒമാനിലെ ഒട്ടുമിക്ക ഗവർണറേറ്റുകളിലും അനുഭവപ്പെടാനിടയുണ്ടെന്നും കാലാവസ്ഥാ കേന്ദ്രം അറിയിച്ചിട്ടുണ്ട്.
2025 ഫെബ്രുവരി 2 മുതൽ വരുന്ന ഏതാനം ദിനങ്ങളിൽ ഈ കാലാവസ്ഥാ സാഹചര്യം നിലനിൽക്കുമെന്നും അധികൃതർ അറിയിച്ചിട്ടുണ്ട്. ഈ കാലയളവിൽ ഒമാൻ കടലിന്റെ തീരമേഖലകളിൽ രണ്ട് മീറ്റർ വരെ ഉയരത്തിലുള്ള തിരമാലകൾക്ക് സാധ്യതയുണ്ട്.
കാറ്റ് മൂലം ഒമാനിലെ മരുഭൂപ്രദേശങ്ങളിലും, മറ്റു തുറസായ ഇടങ്ങളിലും പൊടിക്കാറ്റിനും, മണൽക്കാറ്റിനും സാധ്യതയുണ്ട്. ഇതോടൊപ്പം അന്തരീക്ഷ താപനില താഴുന്നതിനും സാധ്യതയുണ്ട്.
