യു എ ഇ ചേംബർ ഓഫ് കൊമേഴ്‌സിൽ ചേരുന്ന വിദേശ രാജ്യങ്ങളുടെ പട്ടികയിൽ ഇന്ത്യൻ നിക്ഷേപകരും ബിസിനസ് ഉടമകളുമാണ് ഒന്നാമതെന്ന് ഫെഡറേഷൻ ഓഫ് യു എ ഇ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി പ്രഖ്യാപിച്ചു. എമിറേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
2025-ലെ ആദ്യ പാദത്തിന്റെ അവസാനത്തോടെ ഈ അംഗത്വം ഏകദേശം 225,000 കമ്പനികളിൽ എത്തിയതായാണ് കണക്കുകൾ സൂചിപ്പിക്കുന്നത്. യു എ ഇയിലെ നിക്ഷേപ അന്തരീക്ഷത്തിന്റെ ആകർഷണീയതയെ ഈ കണക്ക് എടുത്തുകാണിക്കുന്നു.
യുഎഇയും ഇന്ത്യയും തമ്മിലുള്ള സമഗ്ര സാമ്പത്തിക പങ്കാളിത്ത കരാർ (CEPA) ഇരു രാജ്യങ്ങളും തമ്മിലുള്ള ബന്ധം ശക്തിപ്പെടുത്തുന്നതിനും അവയെ ബഹുമുഖ പങ്കാളിത്തമാക്കി മാറ്റുന്നതിനും കാരണമായിട്ടുണ്ടെന്ന് യു എ ഇ ചേംബർ സെക്രട്ടറി ജനറൽ ഹുമൈദ് മുഹമ്മദ് ബിൻ സലേം എമിറേറ്റ്സ് ന്യൂസ് ഏജൻസിയോട് പറഞ്ഞു.
2022 മെയ് മാസത്തിൽ CEPA പ്രാബല്യത്തിൽ വന്നതിന്റെ രണ്ടാം വർഷത്തിൽ യു എ ഇയും ഇന്ത്യയും തമ്മിലുള്ള എണ്ണ ഇതര ഉഭയകക്ഷി വ്യാപാരം 56.1 ബില്യൺ യുഎസ് ഡോളർ എത്തിയെന്നും ഇത് ആദ്യ വർഷത്തേക്കാൾ 10.1 ശതമാനം വർധനവാണെന്നും അദ്ദേഹം കൂട്ടിച്ചേർത്തു.
2030 ആകുമ്പോഴേക്കും ഇരു രാജ്യങ്ങളും വ്യാപാര അളവ് 100 ബില്യൺ യുഎസ് ഡോളറായി ഉയർത്താനാകുമെന്നാണ് പ്രതീക്ഷിക്കുന്നതെന്നും, ഇതിനായി ഇരുരാജ്യങ്ങളും പ്രവർത്തിക്കുന്നുണ്ടെന്നും ബിൻ സലേം പറഞ്ഞു.
WAM
