റൂട്ട് F13-ൽ അതിനൂതന ഇലക്ട്രിക്ക് ബസ് ഉപയോഗിച്ചുള്ള സർവീസ് പരീക്ഷണാടിസ്ഥാനത്തിൽ ആരംഭിച്ചതായി ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) അറിയിച്ചു.
دشّنت #هيئة_الطرق_و_المواصلات في #دبي تشغيلاً تجريبياً لحافلة كهربائية تعمل على الخط (F13) المغذي لمحطات المترو، الذي ينطلق من محطة إيواء الحافلات في القوز ويمر بمناطق مثل برج خليفة، وفندق ذا بلاس داون تاون، ونافورة دبي، ويصل إلى منطقة موقف حافلات مترو دبي مول جهة الجنوب. وزوّدت… pic.twitter.com/8EifCKCqWr
— RTA (@rta_dubai) April 16, 2025
2050-ഓടെ സീറോ-എമിഷൻ പൊതുഗതാഗത സംവിധാനങ്ങൾ പൂർണ്ണമായും നടപ്പിലാക്കുക എന്നത് ലക്ഷ്യമിട്ടാണ് ഈ നടപടി.
അൽ ഖൂസ് ബസ് ഡിപ്പോയിൽ നിന്ന് ബുർജ് ഖലീഫ, ഡൌൺ ടൌൺ ഹോട്ടൽ, ദുബായ് ഫൗണ്ടൈൻ, ദുബായ് മാൾ മെട്രൊ ബസ് സ്റ്റോപ്പ് എന്നിവ ഉൾപ്പടെയുള്ള ഇടങ്ങളിലേക്ക് സർവീസ് നടത്തുന്ന മെട്രൊ ഫീഡർ ലൈൻ റൂട്ടായ F13-ലാണ് ഈ സേവനം നടപ്പിലാക്കിയിരിക്കുന്നത്.
ദുബായിലെ കാലാവസ്ഥയ്ക്കും, ഗതാഗത ആവശ്യങ്ങൾക്കും ഇണങ്ങുന്ന രീതിയിലാണ് ഈ വോൾവോ ബസുകൾ നിർമ്മിച്ചിരിക്കുന്നത്. 12 മീറ്റർ നീളമുള്ള ഈ ബസുകളിൽ ഒരേ സമയം 76 യാത്രികർക്ക് വരെ ഇരുന്ന് യാത്ര ചെയ്യാവുന്നതാണ്.
470 കിലോ വാട്ട് ശേഷിയുള്ള ഒരു ബാറ്ററിയാണ് ഈ ബസിൽ ഉപയോഗിച്ചിരിക്കുന്നത്. ഒറ്റ ചാർജിൽ 370 കിലോമീറ്റർ വരെ സഞ്ചരിക്കാനാകുന്ന ഈ ബസുകൾ RTA ഇതുവരെ ഉപയോഗപ്പെടുത്തിയ ഇലക്ട്രിക്ക് ബസുകളിൽ ഏറ്റവും വലിയ ബാറ്ററി ഉൾക്കൊള്ളുന്നവയാണ്.
Cover Image: Dubai RTA.
