യു എ ഇയിൽ 477 പേർക്ക് കൂടി കൊറോണാ വൈറസ് ബാധ കണ്ടെത്തിയതായി ആരോഗ്യ മന്ത്രാലയം ഏപ്രിൽ 17, വെള്ളിയാഴ്ച്ച അറിയിച്ചു. ഇതോടെ യു എ ഇയിൽ ആകെ COVID-19 ബാധിതരുടെ എണ്ണം 6302 ആയി. പുതുതായി രോഗം സ്ഥിരീകരിച്ചവരുടെ ആരോഗ്യനില തൃപ്തികരമാണെന്ന് മന്ത്രാലയം വ്യക്തമാക്കി.
93 പേർ കൂടി രോഗമുക്തി നേടിയതായി മന്ത്രാലയം കൂട്ടിച്ചേർത്തു. ഇതോടെ രാജ്യത്ത് കൊറോണാ വൈറസ് ബാധ ഭേദമായവരുടെ എണ്ണം 1188 ആയി.
COVID-19 നെ തുടർന്ന് ചികിത്സയിലിരുന്ന രണ്ട് പേർ കൂടി മരിച്ചതായും മന്ത്രാലയം വെള്ളിയാഴ്ച്ച അറിയിച്ചിട്ടുണ്ട്. മരിച്ച രണ്ട് പേരും GCC പൗരന്മാരാണ്. ഇതോടെ യു എ ഇയിലെ കൊറോണാ വൈറസ് ബാധമൂലമുള്ള ആകെ മരണം 37 ആയിട്ടുണ്ട്.
