രാജ്യത്തെ വിവിധ ഗവർണറേറ്റുകളിൽ 1642 പരിശോധനകൾ നടത്തിയതായി ബഹ്റൈൻ ലേബർ മാർക്കറ്റ് റെഗുലേറ്ററി അതോറിറ്റി (LMRA) അറിയിച്ചു. 2025 ഒക്ടോബർ 20-നാണ് ബഹ്റൈൻ ന്യൂസ് ഏജൻസി ഇക്കാര്യം റിപ്പോർട്ട് ചെയ്തത്.
LMRA conducts 1,642 inspection campaigns, visitshttps://t.co/4oIZwdu5oz
— Bahrain News Agency (@bna_en) October 20, 2025
നിയമങ്ങൾ ലംഘിച്ച് കൊണ്ട് ബഹ്റൈനിൽ തുടരുന്ന പ്രവാസികളെ കണ്ടെത്തുന്നതിനായും, തൊഴിൽ മേഖലയിലെ ക്രമക്കേടുകൾ കണ്ടെത്തുന്നതിനായും 2025 ഒക്ടോബർ 12 മുതൽ 18 വരെയുള്ള കാലയളവിൽ 1642 പരിശോധനകളാണ് LMRA നടത്തിയത്.
ഇത്തരം നിയമലംഘനങ്ങളുമായി ബന്ധപ്പെട്ട് 18 പ്രവാസി തൊഴിലാളികളെ അറസ്റ്റ് ചെയ്തതായി LMRA അറിയിച്ചു. ഈ കാലയളവിൽ 93 പ്രവാസികളെ നാട് കടത്തിയതായും LMRA കൂട്ടിച്ചേർത്തു.
