യു എ ഇ പ്രസിഡൻ്റ് H.H. ഷെയ്ഖ് മുഹമ്മദ് ബിൻ സായിദ് അൽ നഹ്യാൻ യു എ ഇ വൈസ് പ്രസിഡൻ്റും, പ്രധാനമന്ത്രിയും, ദുബായ് ഭരണാധികാരിയുമായ H.H. ഷെയ്ഖ് മുഹമ്മദ് ബിൻ റാഷിദ് അൽ മക്തൂമുമായി കൂടിക്കാഴ്ച നടത്തി.
UAE President meets Mohammed bin Rashid during a visit to the fifth edition of the "Make it in the Emirates 2026", held at the Abu Dhabi National Exhibition Centre (ADNEC). pic.twitter.com/oXKNULLiKC
— Dubai Media Office (@DXBMediaOffice) May 6, 2026
2026 മെയ് 6-നാണ് ദുബായ് മീഡിയ ഓഫീസ് ഇക്കാര്യം അറിയിച്ചത്. അബുദാബി നാഷണൽ എക്സിബിഷൻ സെന്ററിൽ വെച്ച് നടക്കുന്ന അഞ്ചാമത് ‘മേക്ക് ഇറ്റ് ഇൻ ദി എമിറേറ്റ്സ് 2026’ എക്സിബിഷൻ വേദിയിൽ വെച്ചായിരുന്നു ഈ കൂടിക്കാഴ്ച.
മേഖലയിലെ ഏറ്റവും വലിയ വ്യാവസായിക സമ്മേളനങ്ങളിലൊന്നാണ് ‘മേക്ക് ഇറ്റ് ഇൻ ദി എമിറേറ്റ്സ് 2026’. 12 വ്യാവസായിക മേഖലകളിലായി 1245-ലധികം കമ്പനികൾ ഈ പ്രദർശനത്തിൽ പങ്കെടുക്കുന്നുണ്ട്. യു എ ഇയിൽ ഏകദേശം 5,000 ഉൽപ്പന്നങ്ങൾ പ്രാദേശികവൽക്കരിക്കാൻ ലക്ഷ്യമിട്ടുള്ള പുതിയ സംഭരണ അവസരങ്ങളും ഇതിൽ ഉൾപ്പെടുന്നു.
സർക്കാർ, സ്വകാര്യ മേഖലകളിലെ മുതിർന്ന ഉദ്യോഗസ്ഥർ, വ്യവസായ നേതാക്കൾ, സംരംഭകർ, നിക്ഷേപകർ, വിദഗ്ധർ, നൂതനാശയക്കാർ, ധനകാര്യ സ്ഥാപനങ്ങളുടെ പ്രതിനിധികൾ തുടങ്ങിയവർ ഈ പ്രദർശനത്തിൽ പങ്കെടുക്കുന്നതാണ്. ഈ എക്സിബിഷൻ 2026 മെയ് 7-ന് സമാപിക്കും.
Cover Image: Dubai Media Office.
