ഈ വർഷത്തെ ഈദുൽ അദ്ഹ ആഘോഷങ്ങളുടെ ഭാഗമായി അബുദാബി ഡിപ്പാർട്മെന്റ് ഓഫ് കൾച്ചർ ആൻഡ് ടൂറിസം യാസ് ഐലൻഡിൽ മൂന്ന് ദിവസത്തെ വിസ്‌മയകരമായ കരിമരുന്ന് പ്രയോഗം നടത്തുമെന്ന് അറിയിച്ചു. ഈദുൽ അദ്ഹ ആദ്യ ദിനം മുതൽ മൂന്ന് ദിവസങ്ങളിലായാണ് യാസ് ഐലൻഡിന്റെ ആകാശത്ത് വർണ്ണകാഴ്ചകൾ വിരിയുന്നത്.
യാസ് ബേ വാട്ടർഫ്രന്റിൽ നടക്കുന്ന ഈ കരിമരുന്ന് പ്രയോഗം ദിനവും രാത്രി 9 മണിക്ക് ആരംഭിക്കുന്നതാണ്. ഈ ദൃശ്യങ്ങൾ യാസ് ഐലൻഡ് തങ്ങളുടെ സമൂഹ മാധ്യമങ്ങളിലൂടെ തത്സമയം പങ്ക് വെക്കുമെന്നും അറിയിച്ചിട്ടുണ്ട്.
COVID-19 പ്രതിരോധ നടപടികളുടെ ഭാഗമായി ആളുകൾ ഒത്ത് ചേരുന്നതിന് നിയന്ത്രണം ഏർപ്പെടുത്തിയിട്ടുള്ള സാഹചര്യത്തിലാണ് സമൂഹ മാധ്യമങ്ങളിലൂടെ ഈ കരിമരുന്ന് പ്രയോഗം തത്സമയം പങ്ക് വെക്കാനുള്ള തീരുമാനം. കൂടുതൽ വിവരങ്ങൾക്ക് https://www.yasisland.ae/ എന്ന വിലാസം സന്ദർശിക്കുക.
