അബുദാബിയിൽ നിന്ന് ഇന്ത്യയിലേക്കുള്ള എയർ ഇന്ത്യ എക്സ്പ്രസ്സ് വിമാനങ്ങൾ യാത്ര പുറപ്പെടുന്ന ടെർമിനലിൽ മാറ്റം വരുത്തിയതായി എയർ ഇന്ത്യ അധികൃതർ അറിയിച്ചു. യു എ ഇയിലെ ഇന്ത്യൻ എംബസിയും ഇക്കാര്യം സ്ഥിരീകരിച്ചിട്ടുണ്ട്.
ഏപ്രിൽ 14-നാണ് എയർ ഇന്ത്യ എക്സ്പ്രസ്സ് ഇത്തരം ഒരു അറിയിപ്പ് നൽകിയത്. ഈ അറിയിപ്പ് പ്രകാരം, ഏപ്രിൽ 14-ന് വൈകീട്ട് 4 മണി മുതൽ അബുദാബിയിൽ നിന്ന് ഇന്ത്യയിലേക്കുള്ള എയർ ഇന്ത്യ എക്സ്പ്രസ്സ് വിമാനങ്ങൾ ടെർമിനൽ 2-ൽ നിന്നാണ് യാത്ര പുറപ്പെടുന്നത്.
അബുദാബി എയർപോർട്ടിലെത്തുന്ന എയർ ഇന്ത്യ എക്സ്പ്രസ്സ് വിമാനങ്ങൾ ടെർമിനൽ 3-ലാണ് യാത്ര അവസാനിപ്പിക്കുന്നതെന്നും ഈ അറിയിപ്പിൽ വ്യക്തമാക്കുന്നു. അബുദാബി എയർപോർട്ടിലേക്ക് പ്രവേശിക്കുന്നവർക്ക് RT-PCR ടെസ്റ്റ് നിർബന്ധമാണെന്നും ഈ അറിയിപ്പിൽ വ്യക്തമാക്കുന്നു.
