ബഹ്‌റൈനിൽ നിന്ന് തിരികെ ഇന്ത്യയിലേക്ക് മടങ്ങാൻ ആഗ്രഹിക്കുന്നവരുടെ വിവരങ്ങൾ ശേഖരിച്ച് തുടങ്ങിയതായി ഇന്ത്യൻ എംബസ്സി അറിയിച്ചു. ഏപ്രിൽ 29, ബുധനാഴ്ച്ച രാത്രി മുതൽ ഇതിനായുള്ള രജിസ്‌ട്രേഷൻ സംവിധാനം നിലവിൽ വന്നിട്ടുണ്ട്.
നാട്ടിലേക്ക് മടങ്ങാൻ ആഗ്രഹിക്കുന്നവരുടെ വിവരങ്ങൾ ശേഖരിക്കുക മാത്രമാണ് ഈ ഘട്ടത്തിൽ ചെയ്യുന്നതെന്നും, നാട്ടിലേക്കുള്ള യാത്രകൾ സംബന്ധിച്ച് തീരുമാനങ്ങൾ ആയിട്ടില്ലെന്നും എംബസ്സി വ്യക്തമാക്കിയിട്ടുണ്ട്. ബഹ്‌റൈനിൽ നിന്ന് തിരികെ ഇന്ത്യയിലേക്ക് മടങ്ങാൻ ആഗ്രഹിക്കുന്നവർക്ക് താഴെ കൊടുത്തിട്ടുള്ള ലിങ്കിൽ നിന്ന് ഇതിനായുള്ള രജിസ്‌ട്രേഷൻ നടപടികൾ പൂർത്തിയാക്കാവുന്നതാണ്.
https://docs.google.com/forms/d/e/1FAIpQLScDg2kCuhQ4LPo2zwEYXwNXNeDcAR-22IM0wJCAK4Ok0emo4Q/viewform
നാട്ടിലേക്കുള്ള മടക്കയാത്രയെ കുറിച്ചുള്ള തീരുമാനങ്ങൾ ലഭ്യമാകുമ്പോൾ എംബസിയിൽ നിന്ന് ഇത് സംബന്ധമായ അറിയിപ്പുകൾ ഉണ്ടാകുമെന്നും അധികൃതർ വ്യക്തമാക്കിയിട്ടുണ്ട്.
