2024 നവംബർ 29 മുതൽ മൂന്ന് പുതിയ ബസ് റൂട്ടുകൾ ആരംഭിക്കുമെന്ന് ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) അറിയിച്ചു. 2024 നവംബർ 26-നാണ് RTA ഇക്കാര്യം അറിയിച്ചത്.
تعتزم #هيئة_الطرق_و_المواصلات في #دبي تدشين 3 خطوط جديدة للحافلات في 29 من نوفمبر الجاري، منها خط 108، الذي ينطلق من محطة حافلات السطوة إلى القرية العالمية والعكس. تأتي هذه المبادرة في إطار دعم الحركة السياحية من خلال توفير خط جديد يُضاف إلى الخطوط الأخرى لنقل زوار القرية… pic.twitter.com/KMKh3T6kUG
— RTA (@rta_dubai) November 26, 2024
ഇതോടൊപ്പം നവംബർ 29 മുതൽ എമിറേറ്റിലെ നിലവിലുള്ള ഏതാനം ബസ് റൂട്ടുകളിൽ മാറ്റം വരുത്തുമെന്നും RTA അറിയിച്ചിട്ടുണ്ട്.
നവംബർ 29 മുതൽ RTA ആരംഭിക്കുന്ന പുതിയ ബസ് റൂട്ടുകൾ:
- റൂട്ട് 108 – സത്വ ബസ് സ്റ്റേഷനിൽ നിന്ന് നേരിട്ട് ഗ്ലോബൽ വില്ലേജിലേക്ക്. വെള്ളി, ശനി, ഞായർ, പൊതു അവധിദിനങ്ങൾ, പ്രത്യേക പരിപാടികളുള്ള ദിവസങ്ങൾ. ഉച്ചയ്ക്ക് 2 മണിമുതൽ രാത്രി 1 മണിവരെ ഓരോ 60 മിനിറ്റ് ഇടവേളകളിലുമായി ആകെ 11 ട്രിപ്പുകൾ.
- റൂട്ട് F63 – അൽ റാസ്‌ മെട്രോ സ്റ്റേഷൻ, യൂണിയൻ ബസ് സ്റ്റേഷൻ എന്നിവയെ അൽ ഖലീജ് സ്ട്രീറ്റ്, നയീഫ് സ്ട്രീറ്റ് എന്നിവിടങ്ങളിലൂടെ ബന്ധിപ്പിക്കുന്ന മെട്രോ ഫീഡർ സർവീസ്.
- റൂട്ട് J05 – മിറാ കമ്മ്യൂണിറ്റി, ദുബായ് സ്റ്റുഡിയോ സിറ്റി എന്നിവയെ ബന്ധിപ്പിക്കുന്ന സർവീസ്. നിഷാമ ടൌൺഹൌസ് മേഖലയിലൂടെ കടന്ന് പോകുന്നു.
മാറ്റം വരുത്തുന്ന ബസ് റൂട്ടുകൾ:
- റൂട്ട് 5 – അബു ഹെയിൽ ബസ് സ്റ്റേഷൻ, യൂണിയൻ ബസ് സ്റ്റേഷൻ എന്നിവയ്ക്കിടയിൽ ഇരുവശത്തേക്കും. അൽ റാസ്‌ മെട്രോ സ്റ്റേഷനിലേക്ക് സർവീസ് നടത്തില്ല.
- റൂട്ട് 14 – ബിസിനസ് ബേ മെട്രോ സ്റ്റേഷനിൽ സർവീസ് അവസാനിപ്പിക്കുന്നതാണ്.
- റൂട്ട് 33 – കറാമ ബസ് സ്റ്റേഷനിൽ സർവീസ് അവസാനിപ്പിക്കുന്നതാണ്.
- റൂട്ട് 91 – ബിസിനസ് ബേ മേഖല ഉൾപ്പെടുത്തുന്ന രീതിയിൽ മാറ്റം വരുത്തുന്നതാണ്.
J02, J04, റൂട്ട് F38, F39, X92 എന്നീ റൂട്ടുകളിലും മാറ്റം വരുത്തുന്നതാണ്.
Cover Image: Dubai RTA.
