ഈദുൽ ഫിത്ർ അവധിയുമായി ബന്ധപ്പെട്ട് എമിറേറ്റിലെ മെട്രോ ഉൾപ്പടെയുള്ള വിവിധ പൊതുഗതാഗത സംവിധാനങ്ങളിലെ സമയക്രമങ്ങളിലുള്ള മാറ്റങ്ങൾ സംബന്ധിച്ച് ദുബായ് റോഡ്സ് ആൻഡ് ട്രാൻസ്‌പോർട്ട് അതോറിറ്റി (RTA) അറിയിപ്പ് നൽകി. 2025 മാർച്ച് 28-നാണ് RTA ഇതുമായി ബന്ധപ്പെട്ട് അറിയിപ്പ് നൽകിയത്.
أعلنت #هيئة_الطرق_و_المواصلات بدبي عن مواعيد عمل جميع خدماتها خلال إجازة عيد الفطر المبارك لعام 1446 هجرية / 2025 ميلادية، من تاريخ أعلنت #هيئة_الطرق_و_المواصلات بدبي عن مواعيد عمل جميع خدماتها خلال إجازة عيد الفطر المبارك لعام 1446 هجرية / 2025 ميلادية، من تاريخ السبت الموافق 29… pic.twitter.com/QxswDrk0BV
— RTA (@rta_dubai) March 28, 2025
മെട്രോ സമയങ്ങൾ (ഗ്രീൻ, റെഡ് ലൈനുകളിൽ)
- മാർച്ച് 29 – രാവിലെ 5 മുതൽ രാത്രി 1 മണി വരെ.
- മാർച്ച് 30 – രാവിലെ 8 മുതൽ രാത്രി 1 മണി വരെ.
- മാർച്ച് 31 മുതൽ ഏപ്രിൽ 2 വരെ – രാവിലെ 5 മുതൽ രാത്രി 1 മണി വരെ.
ട്രാം സമയങ്ങൾ
- മാർച്ച് 29 മുതൽ മാർച്ച് 31 വരെ – രാവിലെ 6 മുതൽ രാത്രി 1 മണി വരെ.
- മാർച്ച് 30, ഞായറാഴ്ച – രാവിലെ 9 മുതൽ രാത്രി 1 മണി വരെ.
വാഹന പരിശോധനാ കേന്ദ്രങ്ങളും, കസ്റ്റമർ കെയർ സെന്ററുകളും
RTA-യുടെ വാഹന പരിശോധനാ കേന്ദ്രങ്ങളും, കസ്റ്റമർ കെയർ സെന്ററുകളും ഈദ് അവധിദിനങ്ങളിൽ പ്രവർത്തിക്കുന്നതല്ല. ഇവ ശവ്വാൽ 1 മുതൽ ശവ്വാൽ 3 വരെ അവധിയായിരിക്കും. ഇവയുടെ പ്രവർത്തനം ശവ്വാൽ 4 മുതൽ പുനരാരംഭിക്കുന്നതാണ്.
ഉം രമൂൽ, ദെയ്‌റ, അൽ ബർഷ, അൽ കിഫാഫ് എന്നിവിടങ്ങളിലും, RTA ഹെഡ് ഓഫീസിലും പ്രവർത്തിക്കുന്ന RTA-യുടെ സ്മാർട്ട് കസ്റ്റമർ ഹാപ്പിനെസ്സ് സെന്ററുകൾ 24 മണിക്കൂറും സേവനങ്ങൾ നൽകുന്നതാണ്.
വാഹന പാർക്കിങ്ങ്
ദുബായിലെ എല്ലാ പൊതു പാർക്കിങ്ങ് ഇടങ്ങളിലും (ബഹുനില പാർക്കിങ്ങ് സംവിധാനങ്ങൾ ഒഴികെ) ശവ്വാൽ 1 മുതൽ ശവ്വാൽ 3 വരെ വാഹന പാർക്കിങ്ങ് സൗജന്യമാക്കിയിട്ടുണ്ട്. ശവ്വാൽ 4 മുതൽ പാർക്കിംഗ് ഫീ ഈടാക്കുന്നതാണ്.
ദുബായിലെ പൊതു ഗതാഗത മേഖലയിലെ ബസുകൾ, ജലഗതാഗത സംവിധാനങ്ങൾ എന്നിവയുടെ ഈദ് അവധിദിനങ്ങളിലെ പ്രവർത്തനസമയം https://www.rta.ae/wps/portal/rta/ae/public-transport/timetable#MarineTransport എന്ന വിലാസത്തിൽ നിന്ന് ലഭ്യമാണ്.
