ദുബായിലെ പൊതുഗതാഗത സംവിധാനങ്ങളുടെ ഭാഗമായുള്ള ബസുകളിൽ മുതിർന്ന പൗരന്മാർ ഉൾപ്പടെയുള്ള ഏതാനം വിഭാഗങ്ങൾക്ക് പ്രത്യേക സീറ്റുകൾ ഏർപ്പെടുത്തുമെന്ന് അധികൃതർ അറിയിച്ചു. 2025 ജൂൺ 1-നാണ് ദുബായ് റോഡ്സ് ആൻഡ് ട്രാൻസ്‌പോർട് അതോറിറ്റി (RTA) ഇക്കാര്യം അറിയിച്ചത്.
انطلاقاً من سعيها الدائم نحو تحقيق أفضل تجربة تنقل لجميع مستخدمي وسائل #المواصلات_العامة في #دبي، حددت #هيئة_الطرق_و_المواصلات أولوية الجلوس في المقاعد الأمامية للحافلات العامة، لكبار السن والنساء الحوامل والأمهات اللواتي يحملن أطفالهن. معاً نحافظ على بيئة مواصلات عامة أكثر راحة… pic.twitter.com/aY8Leo4l24
— RTA (@rta_dubai) June 1, 2025
എമിറേറ്റിലെ മുഴുവൻ പൊതുഗതാഗത ബസുകളിലും ഈ തീരുമാനം നടപ്പിലാക്കുന്നതാണ്.
ഈ അറിയിപ്പ് പ്രകാരം മുതിർന്ന പൗരന്മാർ, ഗർഭിണികളായ സ്ത്രീകൾ, കുട്ടികളോടൊപ്പം യാത്ര ചെയ്യുന്ന അമ്മമാർ എന്നീ വിഭാഗങ്ങളിൽ പെടുന്നവർക്ക് ദുബായിലെ പൊതുഗതാഗത സംവിധാനങ്ങളുടെ ഭാഗമായുള്ള ബസുകളിൽ പ്രത്യേക റിസർവ്ഡ് സീറ്റുകൾ ഉണ്ടായിരിക്കുന്നതാണ്. ബസുകളുടെ മുൻവശത്തായാണ് ഈ സീറ്റുകൾ ഏർപ്പെടുത്തുന്നത്.
